💰 حتى الأشياء اللي تطفش فيها فلوس
🇨🇳 الشركة اللي تحلم قوقل وفيسبوك إنهم يصيرون زيها
تحب عالم الشركات الناشئة؟
زهقت من المحتوى المسلوق والمكرر؟
حنا مثلك
عشان كذا سوينا هالنشرة اللي بتكون متنفس لنا ولك كل أسبوع 📰
نشرتنا بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
نساعدك توظف و تتوظف في شركات ناشئة محلية 🏦
أوه, قبل ماننسى, ترا موجود نكت بايخة و MEMEs
ليش؟ لأن الحياة أقصر من كذا
اختبار للصبر:
تسمع تنظير عن مشروعك من موظف صندوق جريء عمره 22 👶🏻
سكوب الأسبوع🕵🏻♂️
لوازم و قصة المشتريات
لوازم هي ستارتأب سعودية رهيبة، تعمل في مجال ممكن يشوفونه الكثير يطفش وهو المشتريات.
لوازم تحل مشكلة المشتريات في المكاتب، ويبسطون عليك العملية بدال ما تتعامل مع موردين مختلفين وفواتير ضايعه، وفوقها آليات سداد مرنه. 🧾
الشهر الماضي كان للوازم حدث أعلنوا فيه عن هويتهم الجديدة و3 منتجات بيطلقونها هالسنة:
لوازم Realize
منتج لإعادة بيع الأجهزة المستخدمة
لوازم Express
منتج لتوصيل الطلبات المستعجلة، مع ميزة السداد بنهاية الشهر
لوازم Extend
منتج يمثل منصة لخدمات أطراف ثالثة (غسيل، صيانة، تأجير أجهزة… إلخ) بحيث يتم سد أي خدمات ناقصة من لوازم ويكملون احتياجات العملاء
قابلنا بهالمناسبة عبدالحكيم البشر، الشريك المؤسس والمدير التنفيذي لـ "لوازم"، وغطسنا معه بتفاصيل رهيبه عن قصتهم ومجالهم، كانت هذي أبرز النقاط فيها:
بديت في السوق من 2007 بمحل مستلزمات وأجهزة كمبيوتر، وأول ما خذت لي محل فجأة بدت حفريات قدامي استمرت شهور وضرت وصول العملاء، فخلتني آخذ خطوة غريبة بدخول عالم التسويق الإلكتروني باستخدام بنرات المنتديات وحققت لنا أرقام عظيمة
أحد العملاء شركة حكومية، استبدل التعامل مع +80 مورد بالتعامل مع لوازم كمورد واحد فقط!
طورنا الربط مع أنظمة العملاء، بحيث ينزل كتالوج لوازم كامل في نظام العميل الخاص
تجربتنا حاليا مع برنامج "الشركات المليارية" رائعة، ومن أفضل مزاياها تعيين مستشارين يملكون خبرات فعلية في نفس القطاع وبنفس المراحل
هدفنا نصير Super App للمكاتب
بنتوسع دوليا إذا حولنا لوازم لكتاب تشغيلي فيه خطة وآليات واضحة لكل قسم، عشان ما نطيخ في فخ التوسع السريع والغير محسوب
أبرز الأرقام:
العملاء: 6+ آلاف عميل
المبيعات: 20+ مليون ريال
تم تمويل الشركة ذاتيا بـ 100 ألف ريال من المؤسسين
جولة البذرة تمت في أبريل 2022 بقيمة 4.9 مليون ريال
عدد الموظفين: 60+ (قبل جولتهم كانوا 9)
لوازم يقولون: (لو عندك مكتب؟ حمل تطبيق لوازم)
للتحميل: التطبيق
المقابلة الكاملة مع عبدالحكيم البشر عن قصة لوازم بتلقونها قريبًا في موقعنا!🔥
وي شات: التطبيق اللي فشل فيسبوك وجوجل في تقليده 🦾
قبل مانتكلم عن وي شات نفسه, لازم نعرف بالشركة اللي وراء التطبيق: Tencent
Tencent تنسنت بدأت كشركة صغيرة للبرمجيات في سنة 1998. وقتها الشركة كان عندها منتج للمراسلات شبيه بالمسنجر اسمه QQ يسمح بالمحادثات الفورية. 💬
في بداية الـ2000 كانت الشركة أيضًا مهتمة بقطاع الألعاب 🎮 وجابت رخص لألعاب كثير للصين (نظام الصين يمنع بيع الألعاب بشكل مباشر بدون موزع صيني).
كل شيء تغير بالنسبة للشركة وبالنسبة للصين بكبرها يوم تم إطلاق تطبيق وي شات WeChat 🇨🇳
وي شات أنطلق في الوقت السحري 2011, وقتها كانت الطبقة المتوسطة في الصين قاعدة تكبر ونسبة كبيرة من الشباب جاهزين للتحول التقني وتجربة أشياء جديدة.
التطبيق بدأ بشبكة اجتماعية للأخبار والمراسلات وبعدين صار يسوي كل شيء
عشان تتخيل وش يسوي وي شات فكر في تطبيق يجمع: أبشر, STC Pay, جاهز, فيسبوك وتويتر و واتساب, و أمازون كلها في تطبيق واحد يستخدمه أكثر من مليار مستخدم نشط شهريًا 😲
من وقت ما نجح وي شات إنه يصير تطبيق كل شيء Super-app وكل شركات التقنية الكبرى (قوقل وفيسبوك تحديدًا) تحاول تقلده, لكن فشلوا فشل ذريع 👎🏼
ممكن نلخص أسباب الفشل في ثلاث أسباب:
1. ثقافة السوق
في الأسواق الغربية, وعندنا أيضًا في العالم العربي, الناس متعودين على استخدام أفضل تطبيق للشيء اللي يحتاجونه. مثلاً: لو جاهز قدموا خدمة تحويل الفلوس, أغلب الناس بيظلون يستخدمون التطبيقات المالية للتحويل لأنهم تعودوا عليها خلاص.
2. التشريعات والقوانين
حتى لو الثقافة كانت مناسبة لتطبيق كل شيء Super-app في كثير من الدول التشريعات ماتكون مرحبة بالفكرة.
الخدمات المالية غالبًا لها تشريعات صارمة (اسئلوا الشباب اللي يسوون شركات فنتك) وهذا يخلي شركات كثير تتخلى عن فكرة الخدمات المالية في تطبيق غير متخصص.
3. سرية البيانات
العميل في العالم الغربي حقنه يوم يصير الموضوع له علاقة بسرية البيانات وحمايتها. تحصله دايم يضغط على شركات التقنية الكبيرة إنها ماتأخذ معلومات كثيرة فما بالك لو كل المعلومات بتصير في تطبيق واحد.
ستارت أب فنانة ماحد يعرفها: آلت فلو
لو عندك متجر إلكتروني, من أكبر المشاكل اللي بتخرب عليك حياتك هي الأمور المحاسبية و مزامنة المخزون 🧾
آلت فلو تقولك أنت عليك التسويق والبيع وأنا بس اشبكني مع متجرك وأضبط لك موضوع أتمتة الإدخالات للمبيعات حتى لو تعددت المتاجر ونقاط البيع الخاصة فيك 🖥️
محمد ومشاري وعدونا إنهم ماراح يوقفون هنا وفيه مفاجآت كثير قادمة 😦
حركة قديمة بس رهيبة: استرخي وخل عملائك يسوون المحتوى
في 2015 أطلقت شركة GoPro اللي تصنع كاميرات خاصة للرياضيين والمغامرين وعشاق التدوين حملة تسويقية سببت ضجة.
الحملة كانت فكرتها بسيطة, طلبوا من عملائهم يستخدمون منتجات الشركة ويسوون فيها محتوى. مقابل كل مشاركة بتجيك نقاط وفي الأخير بتدخل مسابقة مع بقية صناع المحتوى وفيها جوائز كبيرة.
الحملة كانت عبقرية لأن الجمهور بدأوا يكتشفون طرق جديدة لاستخدام المنتج ويعلمون الناس الثانيين عنها وبنفس الوقت صاروا كأنهم سفراء للعلامة التجارية.
أيضًا, صار فيه مكتبة ضخمة من المحتوى جاهزة للاستخدام من الشركة في أي وقت. 📼
ساهمت الحملة في زيادة قيمة الشركة السوقية بـ 2 مليار, رغم إنها ماكلفت الشركة إلا كم مليون (خمسة مليون جوائز🏆 + التكاليف الأخرى)
طيب وش الدروس لرواد الأعمال؟
أعرف جمهورك واستثمر فيهم 🕵🏼♀️
الحملة كان فيها تفاعل كبير مع الجمهور وهذا التفاعل ماراح يجي إلا يوم تكلم جمهورك بشكل مستمر. أيضاً, الاستثمار في تكوين مجتمع خاص بمنتجك بيكون له نتائج كبيرة.
الابتكار 💡
اليوم الناس يمر عليها مليون إعلان وطلب بشكل مستمر, ضروري إنك تكون مبتكر في تسويقك وتسوي شيء جديد ومصمم لجمهورك
عشان لا تقول ما دريت! أهم الإيفنتات الجاية
إيفنتات الرياض:
Demo Day تقدم 2024
(3 مارس)
يوم عرض الشركات ضمن مسرعة تقدم التابعة لكاوست، ولأول مرة بيصير في الرياض
Leap 2024
(7-4 مارس)
الحدث الأضخم في المنطقة للتقنيات الجديدة 🧑💻
الحاضر يعلم الغايب: 📢
ترا صار عندنا حساب في تويتر وبنحط فيه المزيد من المحتوى الفنان الغير مسلوق 🌟
تابعونا
خاتمة
