🍪🤺 أنوش وحرب الكوكيز
🎁هدية الأسبوع: طريقة توزيع النسب بين الشركاء
تحب عالم البزنس والتجارة؟
زهقت من المحتوى المسلوق والمكرر؟
حنا مثلك
عشان كذا سوينا هالنشرة اللي بتكون متنفس لنا ولك كل أسبوع 📰
نشرتنا بيكون فيها:
محتوى وتحليلات حصرية لأهم الأحداث 🕵️♂️
قصص محلية عن البزنس تسمعها لأول مرة 😲
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
أوه, قبل ماننسى, ترا موجود نكت بايخة و MEMEs
من المستحيلات السبع:
الغول 🦍
العنقاء 🦅
شركة عائلية تتنازل وتسوي استحواذ ✅
سكوب الأسبوع🕵🏻♂️
تخارج بـ 225 ضعف!🚀💰
أعلنت سلة عن جولة استثمارية كبيرة، كانت هذي تفاصيلها:
حجم ومرحلة الجولة: 487 مليون ريال "130$ مليون" - جولة ما قبل الطرح العام (Pre-IPO)
المستثمرين: قاد الجولة Investcorp، بمشاركة سنابل وSTV
الجولة السابقة: جولة (Series-A) في 2020، بقيمة 32 مليون ريال "8.5$ مليون"، بقيادة صندوق STV
ليش الخبر مهم؟
أرقام الجولة توضح أن الشركة دخلت نادي الشركات المليارية (يونيكورن جديد)، ونوع الجولة كتحضير للطرح للاكتتاب العام يعتبر خطوة مبشرة من الشركة ويحتاجها سوقنا بدخول شركة تقنية جديدة لسوق الأسهم، كذلك التخارج التاريخي لصندوق Vision Ventures يعتبر محفز جدا لقطاع الاستثمار الجريء.
التفاصيل:
على هامش Leap 2024 قابلنا الشريك المؤسس للشركة سلمان بت بهالمناسبة، وكانت هذي أهم النقاط اللي ذكرها لنا:
هالجولة دافع للتطوير وتوسيع النشاط على مستوى المنتجات والمناطق الجغرافية🌎
الجولة تعتبر بداية عد تنازلي لإدراج الشركة في سوق الأسهم📈
بهالمناسبة نسترجع بعض ذكريات البدايات في سلة، بحيث قبل إغلاق أي جولة استثمارية مرينا بفترة 3-4 أشهر صعبة جدا، واستذكارها يستوجب علينا شكر وحمدالله على تطور منظومتنا الريادية والدعم، ونتمنى ذيك الأيام ما ترجع علينا أو على أي أحد وجزء منها وجود الشريك المثالي ✅
وكذلك قابلنا الشريك المؤسس لصندوق Vision Ventures، الأستاذ قيس العيسى وذكر لنا:
استثمرنا في سلة بدري في 2018، لإيماننا بالفريق وفهمهم للقطاع، ووجود عدد جيد من العملاء (رغم أنها خدمة مجانية بوقتها)، وحجم السوق ومدى احتياجه لحل مماثل
تخارجنا جزئيا في الجولة الجديدة لأن استراتيجيتنا تتمثل بالموازنة بين فرص التخارج لمستثمرينا (حققنا عائد غير مسبوق بـ 225x🤑 يعني لو استثمرت مليون بتصير 225 مليون )، مع استمرار دعم شركات الصندوق، بحيث لا زلنا نملك حصة جيدة في سلة لإيماننا بقدرة الشركة على النمو📈
وفي لقاء مع العربية، ذكر الشريك المؤسس لسلة والمدير التنفيذي نواف الحريري:
الطرح العام في سوق الأسهم بيكون خلال 3 سنوات قادمة
هدف الجولة تسريع النمو عبر استقطاب كفاءات وتطوير منتجات جديدة
خدمات الشركة:
حلول متكاملة للتجارة الإلكترونية عبر اشتراكات مدفوعة
أبرز أرقام الشركة:
تأسست 2016
المبيعات الشهرية: أكثر من 1.3 مليار ريال
إجمالي المبيعات من 2020: +20$ مليار
المتاجر الفعالة: +80 ألف
وصلت الشركة للربحية من قبل 2020
متجر التطبيقات: +400 تطبيق
قيمة الشركة التقديرية: 2.4 مليار ريال
موقع الشركة: سلة
هدية الأسبوع 🎁
كيف توزع النسب بين الشركاء؟📊
كيف أقسم الحصص بين الشركاء؟
من أوائل الأسئلة اللي الواحد يفكر فيها أول مايبدأ بزنس
طبعًا دايم تصير هوشات على الموضوع وممارسات خاطئة مثل التوزيع بالتساوي وغيرها 👎🏼
هذي نقاط سريعة مفيدة:
التوزيع بالتساوي قد لا يكون عادل، والتصحيح لاحقًا ماهو دائمًا سهل 😢
التوزيع يتطلب نقاش حول:
مستوى إلتزام كل شريك (كل شريك وش بيقدم ولين متى)
ضخ المبالغ ( كل واحد كم بيحط مبلغ في الشركة)
تحديد نسبة على جنب لأسهم احتياطية وأسهم الموظفين
طيب أفرض إن أحد الشركاء قرر يسحب في نص الطريق وهو عنده نسبة معتبرة من الأسهم؟ 💨
هنا يجي حل ممتاز اسمه: الاستحقاق ✅
فكرة الاستحقاق إنه الحصص تظل محجوزة للشركاء لكن يستحقونها بعد فترة معينة (عشان محد يأخذ نسبة ويسحب🏃🏻♂️)
يعني مثلًا أنت لك 20٪ من البزنس, بس ما تأخذها مرة وحدة, بل تخلي كل سنة تستحق 5% وتكون مربوطة بمهام مطلوبة منك لين تستحق نسبتك كاملة على أربع سنوات 😲
يفضل أن تكون جدولة الاستحقاق بناءً على إنجاز المهام ولازم تكون الأمور واضحة للشركاء من حيث:
الحصص المحجوزة لهم
المطلوب منهم للحصول عليها
كل هذي التفاصيل تتطلب توثيق في مستند يستلمه كل شريك 📑
أخيرًا، هديتنا لكم بالتعاون مع أبو هارون (مؤسس فــي)، نسخة من نموذج يقترح آلية لتوزيع النسب بين الشركاء:
لقاء سريع مع مؤسس رهيب:
جاسم الهارون (فــي)
فَـيْ (عهد سابقًا)، هي نظام تقني لإدارة العمليات المالية والامتثال الضريبي، وفكرتهم أنهم يساعدون الأفراد والمنشآت يرتبون أمورهم المالية ويصدرون تقارير ضريبية صحيحة حتى لو خبرتهم المحاسبية بسيطة 🧾
قابلنا الشريك المؤسس والمدير التنفيذي جاسم الهارون، وكانت هذي أبرز النقاط اللي شاركنا إياها:
ليش إعادة تصميم الهوية؟
لقينا تشابه مع منتج ثاني كبير وتعبنا هالشيء تسويقيا، ففكرنا لين وصلنا للاسم الجديد، واللي يرمز للظل ويمثل كيف نظامنا يحميك من مشاكل الضريبة، وكذلك بالانجليزية يرمز للـ Financial AI وهي تمثل وين رايحين مستقبلًا بمنتجاتنا
كيف أقنعتوا أول عميل؟
نزلنا للسوق وفهمنا احتياج العملاء وصممنا منتج يحل مشاكلهم، وقدمناه لهم مجانًا لفترة تجريبية
أحسن شيء سويتوه لتطوير المنتج؟
دخّلنا معنا مجموعة من المكاتب المحاسبية، بحيث يعطونا عصارة خبراتهم وكلنا نستفيد
أحسن شيء سويناه لتوفير الفلوس في بداية الشركة؟
الاعتماد على أطراف خارجية للمهام الغير أساسية في الشركة بدل التوظيف على كل قسم
أكبر غلطة سويتها في البزنس؟
التكلّف في تطوير منتج قبل التحقق من حاجة السوق واختباره، ولقينا الحل دايم باختبار نموذج أولي مع العملاء
قصص بزنسية غير محكية :
حرب الكوكيز🍪🤺
أشتهرت أنوش بمنتج الكوكيز لسنوات طويلة (من تقريبًا 2003) وفي بدايات الشركة كانت الطلب عالي لدرجة إنه ينتهي المنتج قبل نهاية اليوم.
كانت أنوش تحقق أرقام متميزة في المبيعات إلى سنة 2018-2019 جاء منافس قوي للساحة وأستغل طرق جديدة للتسويق ماكانت منتشرة وقتها: المشاهير والمؤثرين🤳🏼
كانت تكلفة الإعلان عند المشاهير والمؤثرين منخفضة في ذاك الوقت رغم إنها من الطرق المناسبة لمجتمعنا (بشكل عام نحب نشتري إذا أحد مدح لنا شيء وهذي طريقة المؤثرين)
المنافس بدأ يكتسح السوق ويأخذ حصة سوقية كبيرة من أنوش رغم رداءة المنتج📉👎🏼
كان قدام أنوش خيارين:
زيادة مصاريف التسويق والإعلان 📣
تخفيض سعر المنتج والدخول في حرب أسعار💣
أنوش ما اختارت أي واحد من هذي الخيارات وقررت تأخذ اتجاه ثاني مبني على فهم الجمهور المستهدف 📊
أثناء حديثهم مع جمهورهم طلع معهم معلومتين مهمة:
المنتج الجديد جودته رديئة وتقريبا كل أحد اشتراه ندم 😢
كان الناس توهم يكتشفون إن المؤثرين نصابين (صدق والله, ترا فيه ناس كانوا يحسبون المشهور خويهم ويبي لهم الخير هههههه)
بناء على المعلومتين هذي سوت أنوش حملة: الكوكيز الحقيقي🍪
الحملة ركزت على إظهار المؤثرين بشكل غير مباشر وكيف إنهم يعلنون للمنتج الجديد لكن يوم يبون يأكلون كوكيز ما يختارون إلا أنوش ✅
الحملة رسخت صورة أنوش كقائد في السوق 👑 وساعدتهم على استرجاع حصتهم السوقية 💰
المنافس بعدها غير استراتيجيته و ركز على توزيع المنتج في قنوات أخرى مثل السوبرماركت و غيرها 🛒 🏪
طيب وش نستفيد من القصة؟
السرعة مطلوبة يوم تكتشف وسيلة تخليك تسبق منافسينك (مثال: الكوكيز الجديد يوم أستغل الإعلانات عند المؤثرين)
فهمك لجمهورك وتقديمك لحلول تناسبهم تخلي مبيعاتك🚀
أعجبك المحتوى؟
ترا عندنا كثير مثله لاتنسى تشترك 👇🏻
ستارت أب فنانة ماحد يعرفها: قاف
قاف تقولك ترا بنساعدك تحط استراتيجية لتسويق بزنسك في أقل وقت وبشكل مؤتمت بحيث خلال دقايق بتلقى عندك كل التقارير والخطط اللي تحتاجها لتسويق منتجك بأقل من 3 خطوات ✅.
أيضًا, يسوون لك تقارير تسويقية بالذكاء الإصطناعي، بمجرد أنك تحط موقعك الإلكتروني وصفحات التواصل الاجتماعي
محمد الصحصاح وفريقه مستمرين يطبخون أشياء رهيبة للمسوقين، وماراح يوقفون لين يشوفون بزنسك ينمو بأقل التكاليف 📈
هذا موقع: قاف و هذا كود خصم 70% لأول عملية: ZTO70 🎁
هل هجت معك قريب؟
احتفالًا بلقاء بدر العرجاني التاريخي قررنا نسوي تيشيرتات لفترة محدودة👕
هذا رابط الطلب
خاتمة
جميلة والله وكفو ،
الغريب فعلا يوم وقفت اعلانات كوكيز انوش وقولدن ماعاد صرنا نشتتهي كوكيز .
فالتأثير الخفي شغال وفعال
رهيييبة قصة أنوش، أتذكر حرب الكوكيز وقتها زي حرب شركات الاتصالات