👨🏻🔬 Breaking Bad أفضل شركة ناشئة
🇸🇦🏦 حصري: كيف تبني شركة تقنية مالية في السعودية؟
مو مسجل؟
سجل إيميلك هنا عشان توصلك نشرتنا قبل كل الناس 🔥
تحب عالم التجارة والشركات الناشئة؟
زهقت من المحتوى المسلوق والمكرر؟
حنا مثلك
عشان كذا سوينا هالنشرة اللي بتكون متنفس لنا ولك كل أسبوع 📰
نشرتنا بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
نساعدك توظف و تتوظف في شركات ناشئة محلية 🏦
أوه, قبل ماننسى، ترا موجود نكت بايخة و MEMEs
خمس أشياء مستحيل تسمع مؤسس شركة ناشئة يقولها:
1. مرة مبسوط مع المستثمرين
2. نحتاج مكتب أصغر
3. ماله داعي نبالغ في التقييم
4. نمت مرة زين أمس
5. مو لازم نصير يونيكورن
سكوب الأسبوع🕵🏻♂️
Dunes Aero دونز أيرو 🚨
محمد الغامدي وإبراهيم الشيخ مع صفر لواحد
وش تسوي دونز أيرو؟
شركة تعمل في تصنيع وتجميع الدرونز وتقديم البرمجيات الخاصة فيها 🛩️👩🏻💻
جلسنا مع "محمد الغامدي وإبراهيم الشيخ” المؤسسين لـ "دونز أيرو"، وكانت هذي أهم النقاط اللي شاركونا إياها:
الشركة تأسست لأن محمد كان يبي يجمع حبه للطيران مع البزنس في شيء مايتطلب تكاليف كبيرة (قطاع الطيران بشكل عام يتطلب مصاريف رأسمالية تروع💀)
شده موضوع الدرونز لأنها مازالت تقنية ناشئة و متوقع لها نمو كبير في المنطقة + ماتتطلب تكاليف رأسمالية كبيرة لأن يمدي تختار جزء معين من السوق وتخترقه وبعدها مباشرة انضم إبراهيم لأن عنده خلفية مالية ويعرف يتعامل مع القروش 💵
الدرونز لها استخدمات تجارية كثير مثل:
تصوير مشاريع البناء ومتابعتها (أبو زنيفر) 📹👷🏼♀️
المسح الجغرافي و يشمل الخرائط والنمذجة وطبقات الأرض (مثال: هل المكان هذا صالح للبناء والحفر أو لا 🏗️)
في الزراعة تعطي معلومات إضافية و ممكن تقوم بالري 💧
مراقبة الحدود والحشود 🕵🏼♀️
الفكرة كانت إنهم يبون يستبدلون سيارات الحراسات الأمنية بالدرونز مقابل تكلفة أقل, لكن واجهتهم مشكلة غريبة: الدرونز (الهاردوير) كانت متوفرة لكن مافيه شركة تسوي سوفتوير مناسب لعملائهم, وقتها قرروا هم بأنفسهم يسوون السوفتوير (موب صاحين صح؟)
اللي صار إن نموذج العمل تحول من خدمة العملاء اللي يستفيدون من الدرونز إلى خدمة أيضًا شركات الدرونز لأنها تحتاج سوفتوير مخصص وهذا فتح أسواق كبيرة جديدة مثل الصناعات العسكرية 🪖
طيب هل الشركة صارت فاحشة الثراء؟ أكيد لأ لعدة أسباب:
- القطاع جديد والشركة جديدة (عمرها أقل من سنتين)
- دورة المبيعات لقطاعات مثل هذي تتطلب وقت طويل
- المنتج الأساسي للشركة (السوفتوير) حاليًا في مراحل متقدمة وفيه خواص كثير مثل تقديم معلومات فورية للدرونز المستخدمة
أبرز المعلومات:
عدد العملاء: غير معلن
القطاعات: خدمات الدرونز
الدول: تعمل فقط في السعودية 🇸🇦
حجم الفريق: 9
التمويل: ذاتي 🏧
حجم سوق الدرونز في الشرق الأوسط: 5B💲مع نمو سنوي متوقع حول 25% لين 2031 🚀💰
حجم سوق الحراسات الأمنية في الشرق الأوسط (بدون الدفاع والصناعات العسكرية): 35B💲مع نمو سنوي 13% 📈
خدمات الشركة:
تصنيع وتصميم البرمجيات الخاصة بالدرونز 🛩️🧑🏻💻
موقع الشركة: دونز أيرو
تخيل بس 💥
تخيل يشوف إعلانك ناس كثر حضور ستاد الملك فهد 🏟️
وفوقها كلهم أذكياء وينتمون لعالم الأعمال وتحديدًا الـB2B 📊
مهتم؟ تواصل معنا على newsletter@zto.sa
Breaking Bad أفضل شركة ناشئة 👨🏻🔬
في بداية الـ2000 بدأ يتكون عالم الستارتب والشركات الناشئة ويتطور كـ علم له مصطلحاته ومفاهميه الخاصة 📚
بدل مانحط لكم قائمة مملة بأهم المصطلحات وشرحها نبي نعرضها لكم عن طريق تحليل مسلسل Breaking Bad لأنه يتشابه كثير مع بناء الشركات الناشئة ⚒️
ملاحظة مهمة 1: تعاطي المخدرات أو بيعها محرم دينيًا وقانونيًا 👎🏼
ملاحظة مهمة 2: لاتكمل قراءة إذا ناوي تتابع المسلسل 📺
في بداية المسلسل قدر والتر يصنع نسخة مبدئية من المنتج في الفان بأقل التكاليف وكان هذا كل اللي يحتاجه عشان يجرب السوق ويأخذ ملاحظات من عملائة المحتملين وهذا قريب من مفهوم المنتج الأولي أو الـMVP (Minium Vaiable Product)
ليش تضيع وقتك وفلوسك في منتج يمكن ماحد يبيه؟ أفضل وأسرع طريقة إنك تقدم لعملائك منتج أولي وتشوف ملاحظاتهم وتبدأ تحسن بناء عليها 💡
النسخة الثانية من المنتج كانت أفضل بكثير لأن والتر اكتسب خبرة من المنتج الأولي ومن ملاحظات المستهلكين وهذا هو تعريف موائمة المنتج للسوق Product-market fit
في البداية كان والتر يستهدف يبيع في نفس المدينة حقته (Albuquerque) لكن بعدين اكتشف إنه المنتج عليه طلب في كل أمريكا وحتى خارج الحدود وهذا يعني إن السوق المستهدف للمنتج كبير 🌍🇺🇸
أي رائد أعمال لازم يسوي واجب مهم قبل مايبدأ مشروعه وهو تحديد حجم السوق المستهدف TAM: Total Addressable Market 🗺️
ليش؟ عشان تعرف إذا فكرتك تسوى إنك تغامر فيها أو لأ 🚀
في بداية المشروع أشترى المعدات والفان على حسابه وهذا ساعده تكون كل الأرباح له لأن التمويل كان ذاتي Bootstraping 🧪 🚐
رائد الأعمال هو اللي يحدد إذا كان يحتاج تمويل أو لأ 🏦
صح الجولات الاستثمارية تحمس, لكن فيه احتمال إنك ماتحتاجها وتقدر تكمل مشروعك بدون تمويل
بعد فترة قرر والت يوسع نطاق عملياته وصار يحتاج مكان أكبر عشان ينتج كميات أكثر فاضطر إنه يدخل معه مستثمرين مثل أبا الدجاج🐤
كمية أكثر = مبيعات أكثر وهذي العملية اسمها Scaling-up أو التوسع, وغالبا ماتصير إلا بعد موائمة المنتج للسوق والتأكد إن حجم السوق كبير وفيه طلب كافي 📈
خلال أحداث المسلسل بنلاحظ إن والتر غير طريقته أكثر من مرة في أماكن تحضير المنتج و توزيعه. أيضًا, بنلاحظ إن الشركاء حقينه تغيروا أكثر من مرة مثل جسي و قس
كل التغييرات هذي كانت نتيجة للتغيرات والمخاطر اللي كانت موجودة في السوق (مخاطر أمنية وقانونية, المنافسة…إلخ)
الشركات الناشئة مطلوب منها تقبل التحول والتغيير المستمر عشان تستمر في السوق وهذي العملية اسمها Pivoting
في أكثر من لحظة خلال المسلسل كان فيه رغبة من والتر إنه يترك العمل هذا كامل ويكتفي باللي حققه وهذا قريب من اللي يسويه رائد الأعمال اللي يقرر التخارج من بزنسه Exit Strategy 💰
رائد الأعمال يقدر يتخارج من شركته إما جزئيًا أو كليًا بعدة طرق مثل الجولات الاستثمارية في المراحل المتقدمة أو الطرح في سوق الأسهم 📉
ستارتب فنانة ماحد يعرفها: فاحص 🔍 🚗
السعوديين والسيارات عبارة عن قصة عشق غير مفهومة ❤️
أكيد في مرحلة من حياتك فتحت مواقع بيع السيارات المستعملة وبديت تتخيل لو تأخذ لك لكزس LS 2006 أو فورد إكسبلور استخدام حشمة 🚗
لكن في عالم مليان وحوش مفترسة مثل الشريطية, كيف تتأكد إذا السيارة هذي ماراح تنكد عليك حياتك؟ 👎🏼
الحل: فاحص 🔍
يشيكون لك السيارة من الصدام للصدام ويجيبون لك تاريخها كامل 📝
مع فاحص انتهت أيام “على ضمانتي - ما طقها الشاكوش - رش على نظافة…إلخ” 🗣️
نشكر أحمد النجراني وعدنان باسالم على الحل وهذا موقعهم 📌
وقف عندك 🛑✋🏼
إلى متى يلعبون عليك بالأسعار الغالية؟ 💸
كيان توصلك لدوامك ولأي مكان تبيه بأفضل سعر ✅
ملاحظة: ممكن يوصلك واحد من عيال الشاعر 👨🏻⚖️
حمل التطبيق من هنا 🚕
كيف تبني شركة تقنية مالية Fintech في السعودية؟ 🇸🇦 🏦
مهتم في شركات التقنية المالية؟ 🦄
تحس ودك أحد يختصر عليك مشوار طويل في جلسة مدتها ساعة؟ ⏱️
إذا الجواب نعم فلازم ماتفوت حضور لقائنا الحصري مع محمد ملياني مؤسس نقودلت 💳
محمد أيضًا الشريك المؤسس لشركة لوسيديا وعنده خبرة واسعة في بناء الشركات الناشئة ⚒️
بنتكلم عن أشياء مثل: بناء شركات التقنية المالية في السعودية, كيف تعرف إذا شريكك التقني عنده سالفة وغيرها الكثير 🚀
الحضور بيكون حصري للمشتركين في النشرة 📰
مكان اللقاء: الرياض
التاريخ: يوم الأحد 28 April
الوقت: 7-8:30 مساءً
اللقاء غير مصور لأن يمكن نجيب العيد 🎉
العدد محدود… سجل معلوماتك هنا وبنرسل لك المكان والتفاصيل 📌
وظفني في ستارت أب 💼
مطلوب
Digital Marketing Specilaist
يتقن الحملات الممولة ويعطي ملاحظات فنانة لفريق التسويق 🧑🏻💻
الشركة: توسع
للتواصل: mohd@tawasu.sa 📩
خاتمة
أحس إنه غلط أقرأ نشرتكم ببلاش. متأكدين ماتبون فلوس؟ محتواكم رهييييب 👏🏼
يرحم والديكم صورو و بعدين قصصوا حق جيبة العيد 😂 .. بصراحة مهتم جدا بس للأسف ما بكون في الرياض ... ياليت تتصور و تنشروها بعد المونتاج في اليوتيوب .. يا أرهب محتوى في الستارتب