🌍🇸🇦 منتج سعودي غزا العالم
🌟سالم طلع فنان وهذي قصته
تحب عالم التجارة والشركات الناشئة؟
زهقت من المحتوى المسلوق والمكرر؟
حنا مثلك
عشان كذا سوينا هالنشرة اللي بتكون متنفس لنا ولك كل أسبوع 📰
نشرتنا بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
نساعدك توظف و تتوظف في شركات ناشئة محلية 🏦
مصطلحات بزنسية:
مبادرة شبابية = مافيه فلوس
حصريًا: جلستنا مع العرجاني 🚗
جلسنا مع العرجاني وجاء سالم وعيال الشاعر وكانت ليلة لاتنسى ❤️
جلساتنا حصرية للمشتركين معنا في النشرة, إذا ما اشتركت من هنا 👇🏼
الجلسة كانت بدون تصوير وتسجيل عشان الضيوف والحاضرين يأخذون راحتهم 🎥❌
استضفنا على المسرح: بدر العرجاني المؤسس لكيان, سالم بن عبدالله رئيس التشغيل في كيان, وأحمد بوخمسين الرئيس التنفيذي لشركة كوانت 🧔🏻♂️🧔🏻♂️🧔🏻♂️
حاورهم عبدالعزيز النفيعي من صفر لواحد 👓🎤
حرصنا في الجلسة نتكلم عن المواضيع اللي ماتم ذكرها في البودكاست ✅
هذي نقاط سريعة للي ماقدر يحضر:
بدر ما وزع كل الأسهم ولله الحمد 😮💨
بدر مؤمن إنه كل واحد وده يسوي مشروع عنده شيء أهم بكثير من الفلوس وهو الوقت ⏱️
نصيحته للموظفين إنهم يستغلون الوقت بعد الوظيفة في التعلم بدون دفع فلوس وخسائر (مثلًا: إذا مهتم بقطاع التسويق أعرض خدماتك بعد دوامك الأساسي لشركة تسويق وأشتغل معهم حتى لو ببلاش عشان تعرف أسرار الصنعة 🕵🏼♀️)
المشاريع اللي تتأخر فيها المبيعات غالبًا تفشل بسرعة ⤵️
البيع وتحقيق الأرباح لازم يصير هدفك الأول وبعده يمديك تروح للخطوة اللي بعدها 🌟
بعد مشروع البلاستك بدأ بدر مشروعين في نفس الوقت (بيع حاويات لمخلفات البناء و…حضانة أطفال) كلها فشلت بسبب عدم خبرته في المجالين 👎🏼
وقتها بدر كان مديون بأكثر من 4 مليون ريال واضطر إنه يطلب المساعدة من أهله اللي ماقصروا معه ❤️
بعد ما بدأت كيان تحقق أرباح كلم بدر الدائنين وأقنعهم بجدولة الدين مرة أخرى 🗓️
بدر كان مركز على النمو لدرجة إنه ماكان يدري عن أهمية البيانات اللي جمعتها له شركة كوانت 📊
نقطة التحول في كيان كانت انضمام وليد العرجاني كرئيس تنفيذي و سالم كرئيس للتشغيل 🚀
سالم له قصة جميلة بتحصلونها في قسم منفصل في هذي النشرة 👇🏼
عبدالسلام وعيال الشاعر كانوا حاضرين 💪🏼(الصورة من سناب مازن الضراب)
في الجزء الأخير من اللقاء وزعنا تيشيرتات مجانية وصار فيه فرصة للحضور يتعرفون على بعض 🤝
ما حالفك الحظ تحضر؟ أبشر بعزك المرة القادمة بنختار مكان أكبر وبنتشرف فيك معنا ❤️
تخيل بس 💥
يكون لشركتك حضور وسط فعالية الكل متحمس لها 🙋🏻
مهتم؟ تواصل معنا على newsletter@zto.sa
قصص غير مروية: المنتج اللي طلع من السعودية وغزا العالم 🇸🇦 🌍
لو أقولك فيه منتج بدأ من السعودية في رمضان اللي راح والحين المنتج هذا موجود في أكثر من 30 دولة و 100 مطعم... بتصدق؟ 😲
لازم تصدق, لأن الفلات برجر 🍔 flat burger عبارة عن اختراع سعودي 100% بدأ من براند البرجر المعروف "سنشري برجر" 🇸🇦
الهدف من فلات برجر🎯 :
كانت الفكرة إن "سنشري برجر" يبون يطلقون منتج يستغل الموارد المتوفرة عندهم وبدون تكاليف تشغيل إضافية. مو بس كذا, التحدي كان إن المنتج الجديد لازم يكون سهل التنفيذ بس في نفس الوقت مختلف عن بقية منتجات الشركة عشان ما ينافسها بشكل مباشر🤺
ابتكار الفلات برجر💡:
سنشري برجر كانوا عارفين إن المنتج لازم يكون مختلف سواء في الشكل أو الطعم 👅
اللي طلع معهم خبز محمص مع لحم ويكون مضغوط لدرجة تحس إنه فلات… ومن هنا جات فكرة الاسم: فلات برجر 🍔
التغليف المميز 📦:
حرصوا أيضًا إن تصميم التغليف يكون مميز على العكس من التصاميم المعتادة (قصدير أو بوكسات)، استخدموا أظرف بفتحة في النص عشان يوضح شكل المنتج
الإطلاق والنجاح🚀:
في مايو 2023، أنطلق المنتج رسميًا في فرع واحد في جدة بدون تسويق يذكر, مجرد حساب على انستجرام كان فيه صور للفكرة الجديدة. (بالمناسبة, تاريخ الحساب هو الدليل إن الفلات برجر بدأ من السعودية 🇸🇦)
الفكرة على الرغم من بساطتها إلا أنها أعجبت الناس و نجحت نجاح ساحق خلتهم خلال شهرين فقط يفتحون أكثر من فرع سحابي في جدة والرياض📌
الانتشار الواسع والتقليد 📈:
المنافسين استنسخوا الفكرة بالضبط, حتى من ناحية التغليف, وبدأوا ينتشرون خلال نهاية سنة 2023. أيضًا, المطاعم في الكويت انتشر فيها الكونسبت وبدينا نشوفه في دول الخليج الأخرى.
حاليًا فكرة الفلات برجر موجودة في أكثر من 30 دولة مثل اندونيسيا وأمريكا و تركيا, لكن مين عمهم كلهم واللي جاب الفكرة؟ عيالنا السعوديين 🇸🇦👏
وقف عندك 🛑✋🏼
إلى متى يلعبون عليك بالأسعار الغالية؟ 💸
كيان توصلك لدوامك ولأي مكان تبيه بأفضل سعر ✅
ملاحظة: ممكن يوصلك واحد من عيال الشاعر 👨🏻⚖️
حمل التطبيق من هنا 🚕
ستارتب فنانة ماحد يعرفها: عون
مين يحب الإجتماعات؟ ولا أحد 😰
وعشان كذا قرر ريان لبد وعبدالرحمن الشايع يكتشفون ليش الاجتماعات غثيثه و كيف نقدر نخليها مفيدة ❓
وطلعوا بـ عون🤖
عون هو مساعدك الشخصي في الاجتماعات اللي يسجل كل الاجتماع صوتيًا وبعدين يفرغه كتابيا ويطلعه على شكل نقاط ومهام مفيدة بإمكانك ترجع لها في أي وقت ✅
متحمسين نشوف كيف عون بيخلي اجتماعاتنا وحياتنا أفضل وبالتوفيق للشباب 💪🏼
بروفايل: سالم اللي على الطيب ضاري🧔🏻♂️
الكثير سمع عن سالم في لقاء بدر العرجاني لكن تقريبًا محد يعرف قصته
سالم تخرج من الثانوي في 2008 و وقتها كانت الأوضاع المادية للعائلة مو أفضل شيء 🏠💸،وعلى الرغم من إصرار والده إنه يكمل دراسته, إلا إن سالم قرر يشتغل عشان يدعم العائلة 💪🏼
أول وظيفة لسالم كانت في شركة بن لادن للمقاولات، وصار مشرف على مشروع مركز الملك عبدالله المالي وقتها كان تحت الإنشاء، براتب 3200 ريال. دوامه كان شاق، 6 أيام في الأسبوع، ويسوق من الخرج 240 كيلو كل يوم 🚗💨
في ذاك الوقت قرر أحد أخوان سالم يتزوج 💍، وسالم كان عارف إن الوضع بيكون صعب عليه، فأخذ قرض وسلمه لأبوه يساعد في مصاريف الزواج والديون (تعريف الكفو).
جاته بعدها فرصة في شركة تأمين في الجبيل 🌊. قرر يأخذها بناءً على نصيحة من شخص خبير. بس يوم انتقل لقى الراتب مو بالفرق الكبير عن أول (300 ريال زيادة بعد ماتخصم كل المصاريف الثانية)، وكان لازم يتعلم إنجليزي 📚💬 لأن الشغل كان كله بالإنجليزي.
“أول ماشفت كل اللي حولي يتكلمون إنجليزي بما فيهم مديري المباشر, حسيت إني متأخر عنهم 100 سنة, فقررت بعدها أروح إبتعاث عشان أتعلم إنجليزي وأخذ شهادة.”
كانت فكرة الإبتعاث صعبة على سالم لأن ماعنده بعثة والبنك رفض يعطيه قرض جديد, لكن والده حفظه الله قرر يأخذ دين ويسدد القرض ويرسل سالم لأمريكا 🇺🇸 وقاله “الحين الوقت اللي يا ترفع راسي أو تنزله” وكانت هذي الكلمات دافع لسالم إنه يتفوق ويلتحق بالبعثة في فترة وجيزة 💫
أول مارجع سالم في 2018 أشتغل في شركة المراعي 🐄، في قسم جديد كانوا توهم مؤسسينه عشان يتولى تشغيل المخازن بطريقة آلية بالكامل. بعد كم شهر من التحديات الكبيرة، قدروا ينجزون المهمة لين وصلوا لمرحلة إن الدوام صار خفيف وماعاد فيه ذاك الشغل 🏖️
بعد ماتزوج سالم و زادت المصاريف، قرر يشتغل بعد الدوام في محل جوالات 📱، يكافح من الصبح لليل، يتعلم ويفهم كل شي عن البيع والشراء والتجارة📊
في بداية سنة 2022 سالم جاه عرض في ديلفري هيرو (المالكة لهنقرستيشن) 🍔🛵، وكانت أول مهمة له يحل مشكلة الموردين (كانوا موقفين التوريد بسبب تأخر في الدفعات) في مدة بسيطة قدر سالم يحسن من العمليات ويخلق نظام توريد فعال، يوفر على الشركة مبالغ كبيرة سنويًا 💰
بعد كذا، فكر سالم يبدأ مشروعه الخاص، بدعم من بدر العرجاني لأنه يعرفه من زمان, وبعد كم محاولة، استقر على فكرة مشروع غسيل السيارات المتنقل 🚗💦. و بالتعاون مع صديق، بدأوا يجهزوا التطبيق ويشترون الأدوات. لكن اكتشفوا إن الطريقة الأفضل إنهم يتعاونون مع شركة سويتر وبعد مفاوضات، قرروا يأخذون امتياز تجاري.
في آخر لحظة طلب بدر يجلس مع سالم وقاله “شوف يا حبيبي, عرض سويتر موجود تبي تبدأ بكره جاهزين، لكن عندي عرض ثاني، تعال معنا كيان وحقق لي عدد 10 الاف رحله فالرياض وخذ لك أسهم و زيادة من آخر راتب لك 🚖.”
في غضون 7 شهور بس، زاد عدد الرحلات في الرياض من 250-300 لـ 10 آلاف رحلة يومياً. والحين سالم مسؤول عن كل المدن في كيان، محققين نمو بـ 200٪ 📈
وظفني في ستارت أب 💼
مطلوب
مترجم وكاتب محتوى
يعرف يسولف ويحكي قصص عن البزنس 📝
للتواصل: newsletter@zto.sa 📩
خاتمة
انا ما اذكر اني اشتركت في النشرة ولكن شكرا على محتواكم 🙏🏻 مبدعين 👏🏻
شكراً لكم على المحتوى الجميل 🫡