👹🪽كيف تتعامل مع المستثمر الملائكي البثر؟
🚗 حصريًا: دعوة لجلسة مع بدر العرجاني اللي لخبط كيان المنافسين
تحب عالم التجارة والشركات الناشئة؟
زهقت من المحتوى المسلوق والمكرر؟
حنا مثلك
عشان كذا سوينا هالنشرة اللي بتكون متنفس لنا ولك كل أسبوع 📰
نشرتنا بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
نساعدك توظف و تتوظف في شركات ناشئة محلية 🏦
أوه, قبل ماننسى، ترا موجود نكت بايخة و MEMEs
من المزايا القليلة في الشركات الناشئة:
مستحيل يجيك احتراق وظيفي, لأنك بتفحم مباشرة❤️🔥
سكوب الأسبوع🕵🏻♂️
Cognna كـوقنا 🚨🚓
وحده من القصص البارزة في السوق مؤخرًا، هي انطلاقة “كوقنا” وهي ستارتب سعودية في مجال الأمن السيبراني أغلقت جولة تمويلية بقيمة 8 مليون ريال بقيادة صندوق Impact 46 ومشاركة Vision Ventures وFaith Capital ومجموعة إضافية من المستثمرين 💸
وش تسوي كوقنا؟
يشبهون أنفسهم بالدرع اللي يحمي أنظمتك🛡️، عن طريق مراقبة البيانات على مدار الساعة، وفي حال حصل اختراق فهم يتولون إيقافه مباشرة 🚨
التقينا بـ "إبراهيم الشمراني” الشريك المؤسس لـ "كوقنا"، وكانت هذي أهم النقاط اللي شاركنا إياها:
تأسيس شركة في هالمجال كان "احتجاج إيجابي✋🏼" على وضع سوقنا، لسببين رئيسية:
التعقيدات وارتفاع المتطلبات في التكاليف في الحلول الموجودة 📈
2. بعض الحلول اللي كانت تستخدم محليا هي مبنية لأسواق دول مختلفة عن سوقنا، ولها احتياجات مختلفة عن اللي عندنا 🌍
أسسنا الشركة عن طريق استوديو شركات ناشئة (Startup Studio)، اللي هم Cyber ME لثلاث أسباب:
تقليل العبء في الأمور الإدارية الثانوية لمرحلة التأسيس (تكاليف محاسبية/قانونية/موارد بشرية…) لأن الاستوديو بيتكفل فيها ✅
توفير تمويل إضافي من الاستوديو (صارت كأنها جولة Pre-seed)، بحيث أن تمويلهم يتم بناءً على تحقيق مستهدفات واضحة على مراحل، خصوصًا وأن قطاع الأمن السيبراني ما يتحمل الانطلاق بمنتج تجريبي بسيط، فهي عملية مكلفة 😥
بحكم تخصصهم في مجال الأمن السيبراني، ساعدونا باختراق السوق بشكل أكبر والوصول لأول العملاء💰
دخولنا للسوق خلانا نستوعب أننا نحتاج نعرف أكثر، وكان الفرق كبير بين تجاربنا السابقة اللي في جهات فيها 3+ آلاف موظف عن آلية العمل في الشركات الصغيرة، بما في ذلك آلية الشراء، فاستوعبنا ضرورة النزول للسوق والاستماع للعميل، ولقينا مع استمرار التطوير مصداقية المنحنى لتبني العملاء (بدايةً من الـ innovators، ومن بعدهم Early Adapters والبقية بعدها..) وهذا يثبت قابلية الناس لتجارب حلول جديدة تطور عملهم وحياتهم
منحنى تبني العملاء الشهير لروجر👇🏼
منحنى تبني العملاء عندنا إيمان كبير بموضوع الأبحاث والتطوير (R&D) وهو جانب يخلينا نسعى لاستباق التقنيات المستقبلية وخلق مزايا تنافسية بملكية فكرية خاصة، ولقينا دعم حكومي الحمدلله يسهل علينا الانطلاق في مسار الأبحاث والتطوير عن طريق البرنامج الوطني لتقنية المعلومات، وبناءً عليه خصصنا فريق مستقل صغير داخليا يقودهم متخصص في المجال 🧑🏻💻
بنظري أن التقنيات المتخصصة والعميقة مثل الأمن السيبراني، والواقع الافتراضي والبيانات الضخمة بدت اليوم تتواجد لها بنية تحتية جيدة في المملكة، فبيساهم هالشيء بزيادة الابتكار والشركات السعودية المتخصصة فيها 🇸🇦
أبرز الأرقام:
عدد العملاء: غير معلن
القطاعات: المالية و الطبية
الدول: تعمل فقط في السعودية
حجم الفريق: 34
خدمات الشركة:
منصة للمراقبة والوقاية من المخاطر السيبرانية🚨🛡️
موقع الشركة: كوقنا
تخيل بس 💥
تخيل يشوف إعلانك ناس كثر حضور ستاد الملك فهد 🏟️
وفوقها كلهم أذكياء وينتمون لعالم الأعمال وتحديدًا الـB2B 📊
مهتم؟ تواصل معنا على newsletter@zto.sa
كيف تتعامل مع المستثمر الملائكي البثر؟🪽👹
في رحلتك لبناء شركتك الناشئة بتكتشف أفراد عندهم فلوس اسمهم مستثمرين ملائكيين🪽
الاسم يحسسك إنهم مليانين طيبة وحنية، لكن مرات الواقع يكون عكس كذا تمامًا 👹
في هذا الدليل بنحرص نعطيك أهم الأشياء المتعلقة بالمستثمرين الملائكيين وكيف ماتخليهم يلعبون عليك ✅
مين المستثمر الملائكي؟
عبارة عن فرد مستعد يساهم معك في رحلة بناء الشركة مقابل حصة فيها 🍰
ليش نحتاج المستثمر الملائكي؟
الشركات الناشئة قائمة على النمو والنمو يحتاج موارد (مالية، بشرية، خبرات) المستثمر الملائكي يقدر يوفر لك هذي الأشياء👍🏼
طيب بيجي واحد ذكي ويقول صناديق رأس المال الجريء تقدم نفس الموارد💡
عشان كذا هذي مقارنة سريعة:
المستثمر الملائكي🪽💰:
المميزات:
مرن بشكل عام و يمديك توصل معه لإتفاق سريع
مستوى التواصل زين
يقدر يعطيك وقت ويرشدك
العيوب:
المزاجية, يعني اليوم مقتنع بكلامك ممكن يكلمك بكرة يقول رجع لي فلوسي خصوصا إذا ماكان عنده خبرة
يستثمر مبالغ قليلة
صندوق رأس المال الجريء 🏦:
المميزات:
حجم استثمار أكبر من المستثمر الملائكي عادة
عنده خبرات أكثر لأنه يتعامل مع شركات كثير
العيوب:
التواصل ممكن مايكون فعال (في الأخير أنت قاعد تكلم جهة مو شخص)
يأخذ حصة أكبر من المستثمر الملائكي عادة
يضغط عليك عشان تحقق نمو سريع في وقت أقل
يتدخل في قرارات البزنس
طيب فرضًا ناسبك خيار المستثمر الملائكي, وش العلامات اللي شفتها فيه لازم تنحاش؟💨
أحذر من المستثمر الملائكي اللي فيه هذي الصفات🛑:
🛑 اللي يصر إنه يأخذ نسبة كبيرة من الشركة (مثلا 50% وأكثر, وش الفايدة؟ صارت شركته)
🛑 اللي عنده استثمار في شركة مماثلة (يأخذ أسرارك ويعطيها المنافس… صارت أكثر من مرة )
🛑 اللي يلف ويدور على موضوع العلاقات ويخليها هي القيمة الوحيدة من الاستثمار (إلا لو قدرت توثق الموضوع هذا قانونيًا ويكون له قياس واضح)
نصائح عامة:
أحرص تسئل عن المستثمر قبل مايستثمر معك لأن ترا الموضوع مثل الخطبة 💍
في حال كان المستثمر جديد على الموضوع حاول تفهمه المخاطر☢️
اتفقوا من البداية على التخارج لأن رحلة بناء الشركة بتكون طويلة 🛣️
اضبط التوقعات: حددوا الرؤية المبدئية واتفقوا عليها ولو صار فيه تغيير اجلسوا مرة ثانية وتكلموا 🗣️
خل جلدك خشن، بتواجه الكثير من الرفض فلا تشخصن وعامل الموضوع على إنه فرصة للتعلم 🌟(شايفينك ياللي تسجل أسماء اللي رفضوك عشان تذكرهم بعدين وتخليهم يندمون✍🏼)
أخيرًا, كيف تزيد فرصك في الحصول على استثمار ملائكي؟💰
أعرف تحكي قصتك وقصة شركتك زين (الطريقة المتبعة عرض استثماري يسمى Pitch Deck)
حدد المطلوب من المستثمرين بالضبط (هل هو تمويل فقط ولا قيمة مضافة أخرى؟)
حدد التقييم والحصة اللي أنت مستعد تعطيها للمستثمرين
وضح بالضبط وش بتسوي بالتمويل
راسلنا على newsletter@zto.sa وبنساعدك في إعداد الملف الاستثماري و نكلم لك أصدقائنا الملائكيين ✅
ستارتب فنانة ماحد يعرفها: Equiptal إكويبتال 🚜
في وقت كل الناس يسوون شركات ناشئة في السوفتوير والـ SaaS, قرر علي ومنصور إنهم يدخلون سوق كبير وصعب وهو سوق الإنشاءات والمعدات 🚜
مشروعهم قائم على استغلال المعدات لأقصى درجة لزيادة الأرباح وتقليل التكلفة 💸📈
كيف؟
في حال تبي تأجر أو تستأجر معدات يجيبون لك أفضل الأسعار🤑
وبنفس الوقت يقدرون يتابعون المعدات على مدار اليوم عشان تتأكد إن حلالك بأمان وتنام مرتاح 💤
هذا موقعهم ونتمنى لهم التوفيق ✅
حصريًا: جلسة مع بدر العرجاني للمشتركين في النشرة 📰
مثل ماعودناكم على اللقاءات الحصرية بنسوي لقاء مع بدر العرجاني وبنتكلم عن كل الأشياء اللي ماقدر يقولها في البودكاست🎙️
الحضور بيكون حصري للمشتركين في النشرة 📰
وترا اللقاء بيكون غير مصور لأن يمكن نجيب العيد 🎉
مكان اللقاء: الرياض.
التاريخ: سيتم توضيحه في الدعوة.
الوقت: 9-11 مساءً
في حال رغبتك في الحضور سجل معلوماتك هنا وبنرسل لك المكان والتفاصيل 📌
وظفني في ستارت أب 💼
مطلوب
Business Development
ذرب و يعرف يبيع منتجات التقنية 🧑🏻💻
الشركة: استنار 💡
للتواصل: H.alqaydy@estanar.net 📩
خاتمة
اجتماع مجلس الإدارة لشركة ناشئة:
السلام عليكم.. مين الكاتب =))؟
متى بيكون اللقاء ، متحمس للحضور