🪩 لاتعلم أحد: قطاع واعد الكل ناسيه
🦖 بوكيمونات في الرياض
صفر لواحد منصة إعلامية تغطي الشركات الناشئة المحلية 🕵🏻♂️📰
هدفنا؟ تمكينك💪🏼
مو لازم تكون جزء من إستراحة معينة ولا تعرف ناس واصلين💰
تابعنا بس وبتحصل إنك عرفت الكثير من المعلومات القيمة عن عالم الشركات الناشئة في السعودية🧑🏻💻
نشرتنا اللي تقرأها الحين بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
في حال ما اشتركت في النشرة وجالس تتصفح بس اشترك من هنا👇🏼
أشياء مضمون الندم عليها:
تتعرف على واحد تحس عنده سالفة وتعطيه %50 من شركتك دفعة وحدة
أهم الأخبار: 🗞️
يلا بلس تغلق جولة استثمارية بقيمة 2.7$ مليون💰
أغلقت شركة يلا بلس السعودية لحلول المطاعم والمقاهي جولة استثمارية بقيمة 2.7$ مليون (10 ملايين ريال) بقيادة ميراك كابيتال، ومشاركة خوارزمي فنتشرز وIsometry Capital الأمريكية، ومجموعة من المستثمرين الملائكيين من الشرق الأوسط وأمريكا 🍽️
أساس المتخصصة لتقنية المعلومات تجمع 1.2 مليون ريال💰
أغلقت شركة أساس المتخصصة لتقنية المعلومات المطورة لمنصة Resquad AI جولة استثمارية (Pre-Seed) بقيمة 1.2 مليون ريال (320$ ألف) عن طريق مستثمرين ملائكيين بقيادة عبدالرزاق الأنصاري 🧑💻
🖥️⬅️تفاصيل الأخبار وأكثر تلقونها على موقــعنــا
سكوب الأسبوع: قرنتافاي🕵🏻♂️
في 2018 كانت منظومة الشركات الناشئة في السعودية في بدايتها وعدد قليل من الشركات بدأ في نفس الفترة أو قبلها واستمر، وحدة منها كانت قرنتافاي اللي راحت لقطاع مختلف ووقتها حتى ما كان اهتمام من المستثمرين ولا فئات كبيرة من الناس وهو قطاع التقنية الرياضية!
جلسنا مع مجدي اللولو مؤسس الشركة ورئيسها التنفيذي عشان يكلمنا عن رحلة قرنتافاي، وبنعطيكم الزبدة:
البدايات:
تخرجت من أمريكا في 2004 بهندسة الحاسب، واشتغلت 12 سنة في شركات كبيرة فيها آلاف الموظفين 💼
لما قررت أبدأ مشروع رجعت لأزمة كنت أواجهها بحكم أني من عيال الطايف فعشان أروح أسوي تجارب في الأهلي أو الاتحاد كان الموضوع جدًا صعب! فجمعت خبرتي التقنية مع شغفي الكروي وطلعت بقرنتافاي⚙️
التأسيس:
الانطلاقة الأولية في أبريل 2018، والفعلية في يناير 2019، وقتها القطاع الرياضي التقني يعتبر صغير جدا وشبه معدوم في الشرق الأوسط ⚽️
من اليوم الأول نعتبر قرنتافاي منصة اكتشاف لما نرجع من 2018 سوّقنا التطبيق بأنك تبني ملفك الرياضي لكن أنت تبدأ تحجز ملعب لأن استيعاب هالخاصية كان اسهل🏟️
الموضوع أخذ منا سنة ونص وساعدنا بالانتشار لكن خسرنا بنفس الوقت، سهل انه تحجز ملعب كورة لكن اكتشاف المواهب ما كان عليه تركيز 📉
الوحدة والإتحاد:
في 2019 غيرنا شعار التطبيق ورسالتنا وشلنا حجز الملاعب والفكرة بدأت توضح أكثر مع أول شراكة مع نادي الوحدة وبعدهم الإتحاد وخدمتنا كثير في المصداقية وتسويقيًا🏟️
سوينا تجارب أداء مع الاتحاد تقريبًا في كل مدن المملكة وبعد أول تجارب أداء وقع النادي عقود مع لاعبين ضمن الفئات السنية ✍️
صار واضح للاعب الدورة كاملة، بأنك تحمل التطبيق وتدخل بياناتك وتلعب مباريات وأشارك تجارب أداء وترفع فيديوهاتك عشان يوقع معك نادي زي الاتحاد 🎥
مع الوحدة الأشخاص اللي كانوا موجودين وقتها كانوا متفهمين الشركات الناشئة وحابين يغيروا مجال استكشاف المواهب في المملكة🤝
كورونا والاستثمار:
فترة كورونا كانت جدًا صعبة لأننا سنتين نبني التطبيق واسم التطبيق وفي ليلة كل شيء رجع لنقطة الصفر
تعلمت درس مهم: لا تدخل معك أحد بدري، لأنك بتخسر نسبة أكبر، فإذا عندك المقدرة تكمل بفلوسك الخاصة كمل لأبعد حد فيها 📈
متفرقات:
إنشاء المباراة كله عن طريق التطبيق لكن حجز الملاعب مختلف 🏆، وعندنا خدمة للاثنين لمنظم المباريات وللاعبين 🏅
أنس هندي لاعب الاتفاق كان لاعب في جيزان وسوينا تجارب أداء للاتفاق شافوه ووقع معهم بعدين شافوا المنتخب للفئات السنية وهو الآن لاعب المنتخب السعودي وبإذن الله يمثلنا في 2034 🇸🇦
المعلومات زي كم مرة لعبت، كم دقيقة، كم كان تقييمك وكم مرة كنت أفضل لاعب في التمرين وكم لاعب صوتولك بشكل عالي كلها عن طريق التطبيق🏅
بنينا ثقة كبيرة بينا وبين المسؤولين في القطاع الرياضي بقدرتنا بفهم التقاطع بين التقنية والرياضة، فصرنا مسؤولين تقنيًا عن تنفيذ برنامجين من برامج الوزارة، برنامج دوري المدارس وكل الأنظمة المستخدمة في أكاديمية مهد 🏆
تغيرات نموذج العمل
المرحلة الأولى:بدأ التطبيق كمنصة لاكتشاف المواهب وحجز الملاعب، ويقدر اللاعب يعمل حساب ويضيف معلوماته عليه 📲
المرحلة الثانية:في 2019 تغير شعار التطبيق وتوقفت خدمة حجز الملاعب وبدأت الفكرة توضح بأن التركيز على اكتشاف المواهب خاصة مع التعاقد مع نادي الوحدة وبعدها الإتحاد والإتفاق 🔄
المرحلة الثالثة:بدأت قرنتافاي التوجه نحو الويب3 والبلوكتشين وأطلقت نسخة 2.0 من تطبيق واللي تركز على تخصيص تجربة المستخدم وإضافة مزايا مثل الكوينز والتحديات 🚀
كيف تساعد قرنتافاي الأندية؟
الأندية السعودية تعتمد على الكشافين في الفئات السنية، أو يستخدمون قوقل فورم للاعبين الصغار بأعداد كبيرة صعب فلترتها، وتاخذ جهد وتكاليف كبيرة لاستقبال هالعدد📋
طريقتنا غيرت الموضوع 🔄 كنادي الوحدة صار بضغطة زر يفتح التقديم عن طريق التطبيق وتوصلهم طلبات اللاعبين متضمنة بياناتهم ومقاطعهم فاستقبال أو رفض الطلبات كله رقمي📱
فبدال ما يتورطون بوصول 1,000 لاعب، صار يوصلهم 50 لاعب، وتسهّل اختبارهم ⚽️
مع الإتحاد توصلنا آلاف الطلبات لتجربة الأداء لكن اللي يتم قبولهم 100-150 في تجربة الأداء الوحدة 🏟️
الفتلرة كانت حسب بروفايل اللاعب على التطبيق؛ لو أنت تقييمك عالي، لو لاعب 20 مباراة لو مصوتلك 10 مرات كلاعب المباراة، لو عندك فيديوهات كل هذي المعلومات تساعد الكشاف 📈
مع الاتحاد كنا نحط طلبات، يعني عشان أقبلك لازم تسوي الحركة الفلانية أو المهارة الفلانية، بحيث من طريقة تنفيذك تعطي تصوّر أفضل للمختص عن قدراتك✅
وست هام كان عندهم استهداف يبنون لهم اسم في الشرق الأوسط، بهدف التسويق ومحاولة اكتشاف صلاح ومحرز الجدد، نفذوها معنا وكانت أكبر تجارب الأداء في المنطقة بين 3 دول ونتيجتها 11 لاعب سافروا لوست هام للتجارب لمدة 3 أسابيع 🌍
فتحنا الباب أوروبيًا، وأكثر من نادي إسباني وقع مع لعيبة عن طريق التطبيق 🎉
التغيرات في السعودية:
صار تغيير رئيسي بمنظور الآباء والأمهات حول الاحتراف، في 2018 ما كان فيه إيمان بالقطاع والمبالغ اللي تدفع بسيطة 🔄
الآن صارت الناس تعرف أنه عشان تصير لاعب محترف يعني career، وصار فيه دعم كبير من الأهالي أن اللاعب الطموح اللي شايفين فيه الإمكانيات يسجلونه في الأكاديميات 🌟
القطاع صار محوكم أكثر، وفيه مبادرات كثير مبادرات من وزارة الرياضة والأكاديميات تسجل بشكل رسمي 🏛️
وزارة الرياضة عندها 4 أو 5 برامج هدفها استكشاف المواهب؛ مثل برنامج دوري المدارس، الابتعاث، أكاديمية مهد، المراكز الإقليمية ⚽️
الهدف استكشاف المواهب بأعمار صغيرة لتطويرها وابتعاثها لاكتساب خبرات🌍، الابتعاث يؤثر على كل شيء – وأهمها العقلية بالانضباطية والتغذية وفهم التكتيك وكذلك اللغات🌟
البرامج اللي تصير الآن رهيبة وطموحة لكن برأيي يلزمها تصير في برنامج واحد ويصير فيها تكامل 🤝، أما الاحتراف في برنامج الابتعاث مفروض يكون بأعمار أقل وبشكل أسرع، ما ننتظر لما يصير عمره 18 سنة عشان يطلع ⏳
كيف تحقق الشركة إيرادات؟
نموذج الإيرادات الأول كان حجز الملاعب لكن ما كان فعال ⚽️
في 2021 ضفنا خدمة الدفع للتطبيق فأي شيء متعلق بالدفع يكون عن طريق التطبيق مباشرة وكنا الأوائل اللي نفعلها 💳
أكبر قناة للإيرادات هي الدفع أونلاين. ماشية بنمو شهري متسارع بين 10-20% 📈
في أندية كثير صارت تدخل معنا، فاللاعبين صاروا يدفعوا مبالغ كبيرة عشان يشاركوا في تجارب الأداء فصار قناة دخل جديدة شغالة 💵
إعلانات الشركات عن خدماتها ومنتجاتها🌍
طبيعة التعامل مع الأندية مختلفة، في أندية ندخل معهم خدمات مقابل خدمات، وفيه أندية تدفع مبالغ كبيرة، وفي أندية تكون مقابل اشتراكات عشان يكون عندهم إمكانية الوصول لقاعدة البيانات لمنصتنا للمواهب 🤝
خطط مستقبلية:
نؤمن بالبلوكتشين والويب 3 وجالسين نستهدفها بشكل أكبر، وأحد هالجزئيات هي الكوينز وهي عملة تستخدم حاليا داخل التطبيق💰
قبل شهر قدمنا قرنتافاي 2.0 وهو تطبيق جديد كليًا يتمحور حول اللاعب، لو أنت لاعب عمرك 30 سنة حتلاقي مختلف عن لاعب 18 سنة لأنه اهتماماته تكون مختلفة 🎯
تعاقدنا مع Veo وهي وحدة من الكاميرات اللي تتبع الكرة تعطيك احصائيات 📹
كانت أهم مشاكل اللاعب في الماضي ما عنده محتوى. لكن الآن بيكون فيه ملاعب في السعودية فيها كاميرات Veo مقترنة مع قرنتافاي فأنت لو لعب مباراة أو تمرين عن طريق قرنتافاي في ملعب متواجدة فيه الكاميرات فحتقدر تأخذ محتوى كامل في المباراة مرتبط مع حسابك على التطبيق! 🎥
مراحل تمويل الشركة
من التأسيس وحتى 2019 تمويل ذاتي من المؤسس 💼
أول جولة كانت عن طريق مستثمر ملائكي في 2019 🚀
ثاني جولة (Seed) في مايو 2022 بقيمة 1.3$ مليون بقيادة واعد ومشاركة نافذة المستقبل وهدفها التوسع وجذب فريق عمل أقوى💰
الجولة الثالثة فبراير 2023 بقيمة 2.2$ مليون بمشاركة واعد ومجموعة الراشد وعرين ومستثمرين ملائكيين وهدفها استمرارية التوسع في منتجات الشركة 📈
حصلت على استثمار من شركات في مجال الويب3 في مارس 2024 🌐
أرقام ومعلومات مهمة عن الشركة
الاطلاق التجريبي بدأ في 2018 وفي يناير 2019 انطلقت النسخة الرسمية 🚀
التوقيع مع الوحدة: ديسمبر 2019 - التوقيع مع الإتحاد: في أغسطس 2020 📅
عدد المستخدمين تجاوز 2 مليون، والزيارات ربع مليار! 🌟
70% من المستخدمين في السعودية ومصر 🇸🇦🇪🇬
يتواجد مستخدمو التطبيق في معظم دول المنطقة؛ بينها فلسطين والأردن والعراق ودول شمال أفريقيا 🌍
بعض المستثمرين ضاعفوا استثماراتهم 30-40x 📈
فريق العمل يتواجد في السعودية ومصر والهند 🌏
أكثر من 50% من الفئات السنية لفريق العُلا انضموا عن طريق قرنتافاي ⚽️
وقعت شراكات مع أندية الوحدة والاتحاد والاتفاق ووزارة الرياضة وغيرها من الجهات في السعودية 🤝
في 2022 و2023 أقامت قرنتافاي تجارب أداء مع 8 أندية أوروبية بعضها ضم لاعبين بعد التجربة ⚽️
الأندية الأوروبية الشريكة تشمل وست هام وقادش وأوساسونا واستوريل 🌟
500-600 مباراة تنظم يوميًا عن طريق التطبيق 📅
السنة هذي راح نوصل للربحية 📈
السوق كبير في السعودية، نتكلم عن كل شيء في سوق الهواة والفئات السنية حوالي 2$ مليار💰
وش يسوي مطور بوكيمون قو في الرياض؟!🕹️🇸🇦
بالتزامن مع كأس العالم للرياضات الإلكترونية تواجد في الرياض المدير التنفيذي لـ Niantic جون هانكي، وأعلنت سافي التوقيع معهم على مذكرة تفاهم بحيث يدعمونهم بالتوسع في الشرق الأوسط بألعابهم الحالية والجاية، وبتكون بشكل أساسي من ناحية إنشاء أحداث خاصة عالمية في المنطقة وتطوير المحتوى الخاص باللعبة عشان يتناسب معنا أكثر!🇸🇦
يمكن غالبنا جرب طريقتهم مع بوكيمون قو، بحيث تقدر تلعب بتنقلك في الواقع وتلتقي ناس يشاركونك نفس الاهتمام وتلعب معهم، ويمكن اللي الغالب ما عرف عنه بأن بوكيمون قو صارت تسوي أحداث كبيرة في مدن معينة لمدة كم يوم، فتلقى اللاعبين من حول العالم يروحون للمدينة اللي فيها الحدث عشان يستغلونه باللعب ويعيشون تجربة بوكيمون حقيقية🤯
بدورنا في صفر لواحد التقينا بجون ومجتمع لاعبين بوكيمون قو في السعودية وخذنا بعض النقاط:
مستهدفين مدن سعودية بيسوون فيها أحداث خاصة بلمسة سعودية، وبناءً عليه متوقع نشوف بيكاتشو لابس شماغ!🤩
ما كانوا مطلقين اللعبة في السعودية بشكل رسمي (لأن ما كان عندهم تصور عن حجم السوق الموجود)، لكن الحين جايين يرتبون للإطلاق🔥
اللي يدفعه اللاعب السعودي 4x المتوسط!💸
تجربة لعبة هاري بوتر:
تجربتهم مع هاري بوتر كانت أصعب، لأن التطوير والموافقات كان فيه خطوة إضافية دائمًا وهي أن الموضوع يمر من Warner Brothers وبعدها يمر من عند كاتبة الرواية JK Rowling🧙🏻♀️
لقوا فرق واضح أن طبيعة جمهور بوكيمون هم أساسًا قيمرز، على عكس هاري بوتر الأغلب مب راعين ألعاب❌
ما قدروا يلقون شيء يميز اللعبة عن بوكيمون
بالأخير اضطروا يقتلون اللعبة
ستارتب فنانة ماحد يعرفها: 3Ys🎊
تطبيق 3Ys باختصار يساعد في تخطيط وتنظيم الفعاليات والمناسبات الخاصة ويقدم أدوات للمستخدمين لتخصيص مناسباتهم🎂🎉
كيف جت الفكرة؟
الفكرة جت عن طريق المؤسسين حنان الحربي وعامر الحلبي بسبب خبرتهم في مجال الفعاليات بعد ما لقوا أن كثير يدورون أفكار إبداعية لفعالياتهم كأفراد ومجموعات🥳
بعدها قرروا تأسيس الشركة في يناير 2024 بتمويل شخصي وعن طريق مستثمرين من العائلة والأصدقاء 🚀
الفريق حاليًا يضم 3 أشخاص: حنان مديرة التسويق، وعامر المدير التنفيذي، وعبدالله ذياب المدير التقني
طب وش اللي يميز الشركة؟
ميزة التطبيق أنه ما يقتصر على توليد الأفكار، ولكن يقدم أدوات لإرسال الدعوات وإدارة تكاليف الفعاليات المشتركة وغيرها ✉️🪇
الفريق أطلق المنتج الأولي ولقى ردود إيجابية من المستخدمين، وشغالين على الإطلاق الرسمي قريبًا 🚀
كل التوفيق لحنان وعامر وعبدالله، ويمديك تشوف موقعهم هنا وتتعرف عليهم أكثر 👏
عندك ستارتب فنانة وتبي الكل يعرف عنها؟ ✅
بسيطة, عبي هذا النموذج وفي يوم من الأيام بتصحى على صوت التنبيهات والكل يقولك ترا شفناك 😎🔥
خاتمة
