💸 خريج الشريعة اللي تخارج بـ60 مليون
🍛 الشركة اللي حلت مشاكل المطاعم
صفر لواحد منصة إعلامية تغطي الشركات الناشئة المحلية 🕵🏻♂️📰
هدفنا؟ تمكينك💪🏼
نشرتنا اللي تقرأها الحين بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
دعوات لفعاليات حصرية📮
في حال ما اشتركت في النشرة وجالس تتصفح بس اشترك من هنا👇🏼
ما هو الكائن الذي يجب المحافظة عليه من الإنقراض؟
المستثمر الملائكي اللي من جد يحول الفلوس
أهم الأخبار: 🗞️
شركة Intelmatix السعودية تغلق جولة استثمارية بقيمة 20$ مليون 💰🇸🇦
أعلنت شركة Intelmatix السعودية للذكاء الاصطناعي والتقنيات العميقة والتي تركز حلولها على مساعدة الشركات في اتخاذ قرارات أسرع وأفضل عن إغلاق جولة استثمارية (Series A) بقيمة 20$ مليون 🧠💻
كرتونة المصرية تحصل على استثمار بقيمة 8.1$ مليون 💰🇪🇬
جمعت منصة كرتونة المصرية المتخصصة في التجارة الإلكترونية وتركز على سلاسل التوريد للمنتجات الاستهلاكية سريعة التداول 8.1$ مليون تشمل 5.6$ مليون استثمار ملكية و2.5$ مليون تمويل دين 🛒 🛍️
منصة Educatly المصرية تحصد استثمارًا بقيمة 2.5$ مليون 💰🇪🇬
حصدت منصة اديوكتلي (Educatly) المصرية استثمارًا بقيمة 2.5$ مليون، وهي منصة توفر معلومات عن الجامعات والمدارس والمنح حول العالم 👨🎓👩🎓
شركة Synapse Analytics المصرية تجمع 2$ مليون 💰🇪🇬
جمعت شركة Synapse Analytics المصرية 2$ مليون في جولة استثمارية عن طريق سيليكون بادية وHub 71، تستهدف استخدامها في عملياتها التوسعية 🧠
تلقون تفاصيل كل هالأخبار وأكثر في موقــعــنــا🖥️
سكوب الأسبوع: Supy 🕵🏻♂️
ممكن لما قرأت الاسم تساءلت من وين جاي ووش مجالها.. صح؟ الاسم جاي من اختصار الكلمتين Supply / Payment
أما وش مجالها، فهي تقدم نظام برمجي سحابي (SaaS) مخصص لقطاع المطاعم والمقاهي ويغطي كافة احتياجاتهم خلف الكواليس أو العمليات الداخلية للمطعم وأهمها إدارة المخزون والمشتريات☁️
استضفنا يزيد بن بصيّص، المؤسس الشريك ومدير المنتجات في سابي، وكلمنا عن قصة الشركة وعملها وبنذكر لكم أهم النقاط اللي قالها:
كملت 10 سنوات في بناء الشركات وكان هدفي خلالها ابني مهارة كيف ابني شركة بخلاف القطاع اللي تشتغل فيه الشركة🏗️
مؤمن أن أسلوب بناء الشركات هو واحد؛ مريت على قطاعات مختلفة منها التعليم والتقنيات المتقدمة زي الأمن السيبراني والخدمات السحابية، وبعدها التجارة الإلكترونية، وبعدها خدمات SaaS لقطاع المطاعم في سابي💡
كيف بدت سابي؟
حنا المؤسسين الثلاثة عندنا مطاعم ولنا تجارب مهمة في سلاسل الإمداد، وشفنا مأساة إدارة المخزون والمشتريات في القطاع🍽️
قبل تأسيس الشركة ما كنا نعرف بعض، لكن صديق مشترك بيني وبين داني كان مسوي عزيمة في دبي في 2019 وقابلت داني وبعدها صرنا نتناقش بالأفكار، إلى أن وصلنا لفكرة سابي بعد أسبوعين من الجلسات، ولقينا أنفسنا نكمل بعض هو قوته في المجال المالي وأنا قوتي في بناء المنتجات🤝
داني كان أسرع واحد يتفرغ للمشروع فصار الرئيس التنفيذي لأني كنت في نعناع وإبراهيم كان غير متفرغ👨💼
مراحل نمو الشركة📈
بدينا 2020 وكان هدفنا نبسط العلاقة بين المورد والمطاعم لأن لاحظنا أن طرق التواصل بين المورد والمطاعم كانت تقليدية (واتسآب/جوال..)📱
بعد ما وصل إجمالي العمليات على المنصة 300$ مليون، لقينا أن تحقيق الربح من هذا النموذج شبه مستحيل💸
تقدر تنجح وتبني سوق بين الموردين والتجار في قطاع المقاضي وهذا سهل لأنك تقدر تصير بمكان تاجر الجملة بالوسط (الرابط بين المورّد والمستهلك)، لكن في قطاع المطاعم ما فيه موضوع الجملة لأن عدد الموردين محدود وكلهم لهم علاقة مباشرة مع المطاعم⛓️
قلنا وقتها ناخذ المنتج ونطوره ونتوسع فيه وقررنا نغير لنظام متقدم يدير المطعم فيه كل عملياته التشغيلية خلف الكاشير⚙️
الفرق بيننا وبين باقي المنتجات إنها تأسست عشان تخدم التجزئة أو التصنيع أو الخدمات، لكن بالنسبة لقطاع المطاعم ما هي تجزئة ولا تصنيع 100% فهو هجين وفوق هذا عنده خصائصه🍔
مثلًا لو حطينا 40 جرام رز في القدر ممكن يصير 80 جرام بعد الطبخ، الدجاج مثلًا يخسر وزن بعد القلي أو البرقر وهذا يخلي المطاعم يعانون من حساب التكاليف بسبب هذا الموضوع لكن الموضوع يعتمد على الوصفة والبيع هو حسب الطلب عكس باقي القطاعات🍚
أول شركة متخصصة في قطاع المطاعم والمقاهي مشابهة هي كرانش تايم لكن تركيزها على سلاسل المطاعم فوق ألفين فرع زي سب واي وماكدونالدز
المرحلة الأولى كانت مجانية للمشتركين لكن صرنا نأخذ 5% على كل صفقة لكن ما في Control Experience فما كنت طريقة تضمن استمرارية العميل🔓
بعدها طورنا المنتج والخصائص وخليناها بنظام اشتراكات، وضبط معنا المودل!
تسويق المنتج والتسعير📈
كيف جبنا أول عميل؟ تواصلنا مع المطاعم بسبب علاقتنا معهم وعرضنا تجربة مجانية🆓
ما كان عندنا في البداية فهم عميق كيف نطور المنتج، لذلك كنا نروح مباشرة للمطاعم ونستكشف🔍
التسعير كان بالكامل يعتمد على أسعار المنافسين، كنا ندخل على مواقع المنافسين ونشوف الأسعار أو نطلب أسعار بعد التواصل معهم لو كانت حسب الطلب ونأخذ أفكار منهم وبعدها نحدد النطاق السعر لنا💵
حط نفسك مكان صاحب المطعم واسأل نفسك المنتج التقني المفروض كم تكون تكلفته من المصاريف التشغيلية؟🤔
نشوف أسعار المنافسين، لكن نحدد السعر بناء على اللي نقدمه عشان نكون منطقيين باللي نقدمه📊
كل بزنس له وحدة اقتصادية – في زد ولا في سلة المتجر الإلكتروني هي وحدته الاقتصادية، أما بالنسبة لنا فالوحدة الاقتصادية هي الفرع، وغير منطقي إني آخذ على المستخدم مثل أوراكل، في حساب الفرع تقدر تضيف عدد لا محدود من المستخدمين
التوسع🌍
بكل ثقة أن 99% من المطاعم الفاخرة Fine-dining في السعودية والإمارات هم عملاءنا🍽️
الاستهداف: المطاعم اللي تملك 3 فروع وأكثرو واللي يكون عنده مستودعات يكون عميل مثالي لنا🎯
شغالين في السعودية والإمارات وأستراليا (انطلقنا فيها قبل 6) والشهر الجاي نستهدف نروح بريطانيا، لكن عملاءنا في 15 دولة منها إسبانيا، فرنسا، بريطانيا، تايلاند، فيتنام، الكويت، البحرين، قطر، وعمان.. التوسع سهل وهذا جمال قطاع SaaS🌐
خطتنا الجاية نركز على التسويق والمحتوى لأنه فعليًا ما فيه محتوى تثقيفي عملي عن المطاعم والمقاهي، والحلم أنه يكون عندنا شهادة متخصصة نصدرها وتكون معيار مهم في تطوير الكفاءات في هالقطاع📝
تقسيم حصص المؤسسين⚖️
الموضوع استغرق معنا ساعة، لأن سوينا فكرة اسمها Contribution Points
حطينا قائمة بـ10 مواضيع مهمة لإدارة الشركة وحطينا أسمائنا الثلاثة وقلنا كل واحد يحط كم راح يشارك في كل نقطة، وكل واحد كم يجمع نقاطه بالأخير نحولها لحصص في الشركة، مع ربطها بفترة استحقاق📋
بالعادة لما يجون المستثمرين يطلبون هالشيء لكن حنا في سابي من اليوم الأول سويناها
بعض الأرقام والأنظمة📊
عندنا 79 موظف – معظم الفريق في السعودية ودبي ولبنان وأوكرانيا ومصر ومؤخرًا بدينا نوظف في فيتنام🌍
عندنا محاسب واحد لأن كل شيء مؤتمت💻
أكبر خطأ تسويه إنك تكبر فريق المبيعات لأن الموضوع يعتمد على جودة الموظف وليس العدد👥
نستخدم CRM في كل شيء، نستخدمه في التسويق – الهب سبوت نستخدمه في كثير أشياء لها علاقة بالتسويق في المبيعات وحجم الصفقات وعروض السعر وإدارة التوظيف ويعتبر أهم نظام وعمود فقري لعملياتنا📈
نستخدم Locker Studio بحيث كل موظف يبني داشبورد خاصة فيه وتساعده يركز على المهم ويتطور فيه
الجولات الاستثمارية💰
أول جولة Pre-Seed كانت بقيادة Valia Partners ومشاركة مستثمرين ملائكيين وكانت 1.5$ مليون🌱
سوينا جولة في 2022 بقيمة 8$ ملايين وكانت بقيادة بيكو كابيتال ومشاركين فيها كان Cotu وGlobal ومجموعة من المستثمرين الملائكيين السعوديين
هدف الجولة الأولى كان نثبت نموذج عملنا والثانية كان هدفها شيء مختلف، لكن غيرنا كل مفهوم المشروع بعد 3 شهور وصار هدفها مختلف بدعم من المستثمرين نفسهم لثقتهم فينا بأننا بنقود الشركة للمسار الصح🎯
كيف تنشر خبر عن شركتك الناشئة؟ 🎤
هذي بعض النصائح إذا بتسوي تغطية إعلامية لشركتك الناشئة:
1. حدد رسالتك بوضوح📩:
لازم تكون فاهم وش الرسالة اللي تبي توصلها للجمهور وتذكر دائمًا أن تركز على رسالة واحدة فقط في كل مرة ✅
2. ابحث عن القنوات المناسبة 📰:
مو كل قناة إعلامية بتفيدك. اختر القنوات اللي تناسب جمهورك المستهدف، سواء كانت إعلام تقليدي، مواقع إلكترونية أو حتى حسابات مؤثرة على السوشال ميديا 📱
3. لا تكذب 🔴:
ابتعد عن استخدام صيغ المبالغة لأن مافيه وسيلة إعلامية محترمة بتقبلها
مثال: (الشركة التكنولوجية الرائدة، أول شركة في…،)
ابتعد أيضًا عن المبالغة في النجاحات (مثل المبالغة في أعداد العملاء) 🚦
4. أعط الإعلام فرصة 🎤:
أرسل المادة الإعلامية وخل وسائل الإعلام تنشرها قبل ما أنت تنشرها
السبب إنه إذا أحرقت الخبر محد بيتحمس ينشره لك 🧯
5. قيّم نتائجك📊:
بعد كل حملة إعلامية، قيّم النتائج وشوف وش الأشياء اللي نجحت فيها وش اللي تحتاج تحسين. هذا بيساعدك في تعظيم النتائج مستقبلاً 📈
شاركنا أخبارك على pr@zto.sa ❤️
جلسات صفر لواحد: محمد القفاري
جلسنا مع محمد القفاري وكانت ليلة رهيبة!💚
جلساتنا حصرية للمشتركين معنا في النشرة, إذا ما اشتركت من هنا 👇🏼
قصة رهيبة وكالعادة ماراح تسمعونها إلا عندنا ✅
الجلسة كانت بدون تصوير وتسجيل عشان الضيوف والحاضرين يأخذون راحتهم 🎥❌
استضفنا على المسرح: محمد القفاري الشريك المؤسس لشركة مرن لتقنية المعلومات🧑🏻💻
حاوره عبدالعزيز النفيعي من صفر لواحد 👓🎤
نقاط سريعة من اللقاء للي ماقدر يحضر:
محمد القفاري وهو صغير صار له موقف بسيط لكن خلا حياته تتغير: أبوه كان يملك محل تجاري بس اضطر إنه يسافر لفترة, وقتها محمد قرر إنه يحتاج 7 ثياب عشان يلبس واحد في كل يوم من أيام الأسبوع 🥼
توجه محمد لمحاسب المحل وأقنعه يعطيه الفلوس عشان يفصل الثياب 💵
اللي صار إن أبوه اكتشف الموضوع و وبخه “تحسب نفسك ولد قزاز يوم تفصل ثوب لكل يوم؟” 🤬
بعدها محمد, وهو في المتوسط, قرر ماعاد يأخذ فلوس من أبوه أبدًا ومن هنا انطلقت الحكاية 🚀
أول مغامرة تجارية لمحمد وهو في الثانوي كانت إنه راح يشتغل في محل تجاري منافس لأبوه, و وقتها اكتشف إن المحلات في الحي يحتاجون أحد يجيب لهم البضاعة. فقرر إنه يحط كل الفلوس اللي جمعها في ددسن و صار مدير اللوجستيات في الحارة 🛻
دخل محمد الجامعة لسبب غريب: يبي يتوظف عشان يأخذ قرض و يسوي مشروع 😲
درس محمد في الجامعة شريعة وماكان يدري إن الحياة بتوديه لعالم التقنية 🧑🏻💻
تخرج محمد وتوظف في القصيم واكتشف إنه فيه نقص كبير في محلات الفطور ذاك الوقت, فعرف وقتها إن هذا هو مشروعه اللي بيأخذ عشانه قرض🍳 💰
المحل نجح نجاح باهر لدرجة إن محمد قرر يسوي فروع كثير في نفس الوقت 🏬
التوسع السريع خلاه يخسر واضطر في الأخير إنه يتخارج من محلات الفطور لأنه حصل مشروع أفضل
المشروع الجديد لمحمد كان مراكز صيانة السيارات, ليش؟ الجواب: ليش لأ 🚗 🔧
كان هدفه هو وشريكه يتفوقون على مراكز الصيانة الكبيرة مثل بترومين وفي خلال فترة بسيطة استطاعوا يوصلون لأرقام ماكانوا يتوقعونها, لكن كان فيه مشكلة 🤔
المشكلة كانت إنهم ماحصلوا ولا نظام في السوق يخدم مراكز الصيانة في الفوترة والتسويق ومتابعة العملاء 🧾
من هنا جات الفكرة الأولية لمرن: يسوون نظام يخدم مركز الصيانة حقهم وبقية مراكز الصيانة 🚗 🔧
اللي اكتشفوه إنه وقتها مراكز الصيانة ماكانوا مهتمين بالنظام لأسباب كثير مثل التستر وغيرها, فقرروا يعدلون النظام ويخلونه مناسب لمحلات التجزئة بشكل عام والمطاعم بشكل خاص 🏪
اللي حصل إنهم اكتشفوا فرصة أفضل بكثير من مراكز صيانة السيارات: عالم الـ SaaS 🧑🏻💻
من هنا بدأت قصة مرن اللي مانقدر نقولها لأسباب…قانونية 👨🏻⚖️
ما حالفك الحظ تحضر؟ أبشر بعزك المرة القادمة بنختار مكان أكبر وبنتشرف فيك معنا ❤️
ستارتب فنانة ماحد يعرفها: Bildigo 🧱
Bildigo هي شركة توفر نظام برمجي سحابي (SaaS) متخصص في إخراج المشاريع المعمارية بسرعة، تأسست 2022 عن طريق خالد باصره وعبدالله الشهري لكن الانطلاقة الفعلية لهم كانت في 2021، طيب كيف هالشيء صار؟
رحلة الشركة:
من إضافة لبرنامج شهير لتأسيس برنامج مستقل
الفريق طور إضافة مخصصة للفوتوشوب في عام 2021 تساعد المعماري يخرج المخطط في وقت سريع، وقرر يطلقها مع مؤثرة بريطانية على يوتيوب 🇬🇧
نجحت الإضافة وباعوها أكثر من 1,700 مرة حول العالم أغلبها في أمريكا وبريطانيا وأستراليا وألمانيا والهند، قرر الفريق استغلال الفرصة أكثر🗺️
في 2022 قرر الفريق تأسيس شركة لتطوير برنامج متكامل بعد دراسة الفرصة، وبدأ العمل على برنامج Bildigo 🏗️🏡
الشركة أغلقت جولة استثمارية💰
النسخة التجريبية للبرنامج أطلقت في 2024، وحاليًا المنتج النهائي للشركة صار جاهز 🚀
نتمنى لعبدالله وخالد كل التوفيق، ويمديكم تتعرفون أكثر على الشركة من خلال موقعهم👏🏻
عندك ستارتب فنانة وتبي الكل يعرف عنها؟ ✅
بسيطة, عبي هذا النموذج وفي يوم من الأيام بتصحى على صوت التنبيهات والكل يقولك ترا شفناك 😎🔥
خاتمة
