كيف واتس أب يسوي فلوس؟
السعودي اللي أخترق السليكون فالي والأمريكي اللي أخترق السعوديين
تحب عالم الشركات الناشئة؟
زهقت من المحتوى المسلوق والمكرر؟
حنا مثلك
عشان كذا سوينا هالنشرة اللي بتكون متنفس لنا ولك كل أسبوع 📰
نشرتنا بيكون فيها:
تحليل حصري لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
نساعدك توظف و تتوظف في شركات ناشئة محلية 🏦
أوه, قبل ماننسى, ترا موجود نكت بايخة و MEMEs
ليش؟ لأن الحياة أقصر من كذا
مصطلحات ريادية:
أنا علي العلاقات وأنت عليك البزنس
=
ترا ما بسوي شيء، وبحاول أشوف علاقاتي، إذا ضبطت ممتاز وإذا ماضبطت تراك تورطت معي وعطيتني 50% من الشركة باردة مبردة
سعودي يخترق السوق الأمريكي مع AT&T
ذكريات:
تذكرون أحمد الغازي صاحب برنامج (هنا السيليكون فالي) في يوتيوب قبل 10 سنوات؟ 👴🏻
كل اللي تابعوا برنامجه فكروا وش يسوي هالرجال هناك للحين بعد ما اختفى هالسنوات
أحمد أسس شركة CAN Mobilities اللي تصنع عصا لكبار السن والاحتياجات الخاصة، هالعصا فيها خصائص طبية عجيبة (لو طحت تبلغ الطوارئ - تحفزك تتحرك أكثر - فيها شريحة للاتصال وفلاش ينور الدرب - ) من ذاك الوقت وهم يطورون المنتج وطلعوا بثلاث إصدارات تجريبية إلى أن وصلوا للإصدار الحالي اللي يراهنون عليه وبدأ بيعه في أمريكا
الخبر:
الشركة أطلقت عصاها الجديدة CAN Go وفيها ميزة الاتصال اللي انصدموا أنها أهم خاصية يبونها كبار السن في العصا، وصنفتها TIME ضمن أفضل ابتكارات 2023! 🏆
CAN Mobillities سووا اتفاقية مع أكبر شركة اتصالات في أمريكا AT&T📞 لإضافة شريحة في العصا، مع زر للاتصال السريع بجهة اتصال تختارها للطوارئ، والاتصال يتم تلقائيا لو لا سمح الله طاح صاحب العصا 🆘
ليش الخبر مهم؟
بتكون تجربة رهيبة أننا نشوف شركة هاردوير من مؤسس سعودي تخترق السوق الأمريكي وتنطلق منه لأسواق العالم 🌍
حركة قديمة بس رهيبة
تم إطلاق تويتر في 2006 لكن في 2011 كانت الانطلاقة الحقيقية لتويتر في السعودية
كانت فكرة إنك تكلم الجهات، وخصوصا الشركات، على تويتر ويردون عليك على طول شيء ثوري وجميل
لكن وش أكثر شركة كان الناس يحبطون يوم يرسلون لها ولاترد عليهم؟
الجواب: STC
شركة الاتصالات السعودية ماكانت تملك المعرف @stc على تويتر, اللي كان يملكه واحد أمريكي اسمه Chris Rowland
الأمريكي كان وسيع صدر، بعض الأحيان يرد على الناس ويمزح معهم, لين صار معروف عند السعوديين في ذاك الوقت
في 2019 توصلت شركة الاتصالات لإتفاقية مع كريس تتيح لهم استخدام المعرف stc@
لكن فيه شخص خطير قرر يستغل السالفة ويسوي منها حملة رهيبة في 2020
ستارت أب فنانة ماحد يعرفها: نبراس
مهندس برمجيات تمرمط بين القطاع الحكومي والخاص سنوات، إلى أن صمل أنه ياخذ مساره الخاص ويدخل التجارة الإلكترونية.
طور معاذ الجهني منتجات تساعد التجار في منصات التجارة الإلكترونية .
شركة نبراس حاليًا تقدم منتجين: الأول منتج قلام اللي يزيد نسبة الشراء للعملاء اللي يتركون المنتجات في السلة والثاني منتج ريتين بلس، اللي يساعد في أتمتة عمليات الترجيع والتبديل
نتمنى التوفيق لمعاذ في ابتكار حلول للتجار، وهذا موقعهم للي يحتاجهم
قصص وعبر
كيف واتساب يدخل فلوس؟
يستخدم واتساب أكثر من 2.6 مليار شخص حول العالم! ومع كذا التطبيق مجاني ودايم يجي سؤال.. كيف يدخل فلوس؟
علمًا أنه حسب التقديرات فعوائد التطبيق حاليًا تتراويح بين 0.5-1$ مليار فقط (للمقارنة، عوائد شركة ميتا "المالكة لواتسآب" تساوي 116.6$ مليار).
في بداياتهم 2009 كان التطبيق يأخذ رسوم تقدر بـ 1$ لكن بعدها تحول مجاني في 2016 عشان يحقق الانتشار السريع. ومن ناحية عدد العملاء كان عندهم 200 مليون مستخدم وقت استحواذ ميتا عليهم 2014.
التركيز على الشركات:
بدت واتساب تستغل الحجم المرعب لسوق الشركات في التواصل مع العملاء بمختلف أشكاله، فتصير عمليات رسائل التحقق والتحديثات تتم عن طريق واتساب، وتتراوح قيمة الرسالة حسب استخدامها والبلد، على سبيل المثال في البرازيل:
رسالة دعائية: 6.25 سنت أمريكي
رسالة تحقق: 3.15 سنت
رسالة التحديثات: 3.5 سنت
رسالة خدمة العملاء: 3 سنت
اليوم حصة واتساب ومثيلاتها من هالسوق تمثل 5% فقط والباقي كله للـ SMS التقليدي، والتقديرات أنهم بيوصلون 25% في 2027
الرقم الرسمي لعدد مستخدمين WhatsApp Business النشيطين تجاوز 200 مليون في يونيو الماضي، والتقديرات أن التطبيق بيوصل خلال 5 سنوات لعوائد 7-10$ مليار! 💰
الشركة كان فيها 15 مدير منتج في 2019 اليوم فيه ~90 مدير منتج وناوين يجربون أشياء كثير تبدأ تدخل لهم فلوس، مثل:
المدفوعات والحوالات
القنوات الموثقة والاشتراك المدفوع فيها والإعلانات داخلها
منيو المطاعم/المتاجر والطلب
دليل للشركات
الربط بشكل أكبر بين باقي منصات ميتا (فيسبوك - إنستجرام)
زيادة عدد مدراء المنتجات يفسر الخصائص الكثيرة اللي جالسين نشوفها آخر سنتين مقارنة بالبطء اللي كان عايش فيه من بدأ
عشان لا تقول ما دريت! أهم الإيفنتات الجاية
صدعت وأنت تدور شركة للتصوير؟ 🎥
لاتتعدا شركائنا الرهيبين Story,Inc
يوثقون لك أحداث شركتك بأعلى جودة وأفضل سعر 💰
إيفنتات الرياض:
(12 December)
( 11-12 December )
مؤتمر متخصص في الفنتك والذكاء الاصطناعي 🤖
Demo Day تقدم 2024
(3 March)
يوم عرض الشركات ضمن مسرعة تقدم التابعة لكاوست، ولأول مرة بيصير في الرياض
Leap 2024
(4-7March)
الحدث الأضخم في المنطقة للتقنيات الجديدة 🧑💻
وظفني في ستارت أب
مطلوب
Growth Marketing Director
شغوف بالنمو والتعليم 📝
الشركة: أعناب
للتواصل: Info@aanaab.com
مستشار مبيعات
يقدر يبني قاعدة عملاء لمنتج جديد في السوق، ويفهم في التقنية المالية وجديدها 💻
الشركة: عهد
للتواصل: hello@ahad.ws
تحتاج موظفين لشركتك؟ راسلنا على info@zto.sa
ملاحظة: ترا مانوصي إلا بناس أذكياء
خاتمة
الحياة لو مرسول عرفوا يتعاملون مع استفسار العميل عن البخشيش:
