💥ولد حي الشفا اللي أخذ شركته للمليار
🏢فرصتك لحضور جلسة مع الرئيس التنفيذي لتطبيق عقار
صفر لواحد منصة إعلامية تغطي الشركات الناشئة المحلية 🕵🏻♂️📰
هدفنا؟ تمكينك💪🏼
مو لازم تكون جزء من إستراحة معينة ولا تعرف ناس واصلين💰
تابعنا بس وبتحصل إنك عرفت الكثير من المعلومات القيمة عن عالم الشركات الناشئة في السعودية🧑🏻💻
نشرتنا اللي تقرأها الحين بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
أنحش من: 💨
الفريلانسرز بشكل عام
أهم الأخبار اللي يمكن فاتتك الأسبوع الماضي: 🗞️
ساي فاي أغلقت جولة (Seed) بقيمة 10 ملايين دولار بقيادة سنابل للاستثمار ورائد فنتشرز 💰
حلول Si-Fi تساعد الشركات على تتبع وإدارة النفقات من خلال منتجات مختلفة؛ بينها بطاقات دفع للموظفين مرتبطة في منصة وحدة تسهل عملية تتبع المصروفات والتحكم بها، بجانب خيارات لأتمتة وإعداد تقارير المصروفات، وإمكانية الربط مع الأنظمة المحاسبية 💻💳
شركة qeen.ai تحصد 2.2 مليون دولار في جولة استثمارية بقيادة ومضة كابيتال 💰
تأسست الشركة عن طريق موظفين سابقين في قوقل، ويتمحور عملها على تمكين أصحاب المتاجر الإلكترونية بمختلف أحجامها لصناعة محتوى مواقعهم وترجمته لعدة لغات بالاعتماد على حلول الذكاء الاصطناعي التوليدي 🧠💻
شركة iyris أغلقت جولة استثمارية (Series A) قدرها 16 مليون دولار 💰
الشركة تطور تقنيات تساعد على مكافحة تغيرات المناخ والإنتاج الزراعي في الظروف الصعبة؛ بينها تقنية SecondSky لأغطية البيوت الزراعية، وتعتمد في تقنياتها على أبحاث أستاذة وعلماء كاوست 🍅🌱
جلسنا مع محمد القصيّر وكانت ليلة ممتعة!💚
جلساتنا حصرية للمشتركين معنا في النشرة, إذا ما اشتركت من هنا 👇🏼
قصة رهيبة وكالعادة ماراح تسمعونها إلا عندنا ✅
الجلسة كانت بدون تصوير وتسجيل عشان الضيوف والحاضرين يأخذون راحتهم 🎥❌
استضفنا على المسرح: محمد القصيّر المؤسس والرئيس التنفيذي لشركة رواء🖥️
حاوره عبدالعزيز النفيعي من صفر لواحد 👓🎤
نقاط سريعة من اللقاء للي ماقدر يحضر:
محمد ولد في حي الشفا و في أسرة قليل اللي كانوا فيها تجار أو رواد أعمال 💼
وهو صغير جرب يسوي منتدى (الأولين يعرفونه) وتفاجئ بحجم الزيارات والتفاعل اللي موجود فيه. بعدها جاء واحد واشتراه منه بمبلغ محترم (فوق الخمسين ألف)🤑
وقتها محمد عرف إنه هذي لازم تكون حياته (رائد أعمال) وبناء على كذا قرر يروح لأكثر مكان يجمع رواد الأعمال في العالم: أمريكا🗽🇺🇸
في أمريكا محمد كان يدرس وبنفس الوقت يشتغل على الستارتب حقته اللي فكرتها نظام يستخدم كاميرا الجوال عشان ياخذ مقاساتك و يعلمك وضعك صحيًا في النادي، وكانت كل الآمال وقتها (2016) أن الآيفون الجديد يدعم التقنية اللي تخليهم يطلقون التطبيق، ولكن آبل تأخرت + حجم السوق للشركة كان صغير وهالشيء أخر المشروع سنة فقرروا مايكملون💔
محمد كان يسمع عن تكوين منظومة ريادة الأعمال في السعودية وهو في أمريكا وتحمس يرجع🔥
كان مقروص من سالفة إنه يبدأ مشروع في سوق صغير, فاختار أكثر سوق واعد في ذاك الوقت: التجارة الإلكترونية 🛍️
شرا دومين رواء في نوفمبر 2017 (يوم ميلاده)، ووقتها ما كان يعرف وش بيكون المنتج أساسًا👀
في البداية كانت الفكرة إنهم يبون ينقلون المتاجر الحقيقية بالكامل أونلاين وكان في بالهم إن أكبر مشكلة لازم يحلونها هي ربط المخزون مع الكاشير (يعني كم بالضبط باقي حبة من هذا المنتج يوم تشتري أونلاين )
بنوا المنتج و كان قائم على الربط مع سوق دوت كوم، وبعد شهور من البناء فجأة صار استحواذ أمازون وألغوا الاتفاقية وضاع كل شغلهم! وانسحب وقتها كثير من الفريق!😰
خلال بناء الشركة مر بفترة 4 شهور صعبة، كان فيها يشتغل أوبر كل خميس لمدة 14 ساعة عشان يطلع فيها مصروف الأسبوع!🥊
التحول في المنتج كان بعد جلسة مع شخص في حاضنة بادر في 2018، قال له عن فكرة إضافة الكاشير الخاص فيهم لنظام المخزون (المنتج الأولي كان بس يربط مع أي كاشير)💡
عنده قناعة أنك لو تبي تبني منتج تقني جبار، فلازم تبني النظام كامل داخليا (ودك تقفل عليه في غرفة مع العرجاني يتجالدون على الـ خوCT🤼♂️)
يؤمن أنه أمر مهم للمؤسسين في بداياتهم تحديد فترة معينة لاستحقاق أسهمهم (عشان يحمون الشركة من انسحاب أي مؤسس بنص الطريق)📝
عنده قناعة أنك لازم تكون مهووس في مجال شركتك اللي تبنيها، وتعرف جديد القطاع والتفاصيل العالمية والعلمية حوله🔍
كان يؤمن أنه يحتاج شريك يفهم في الإدارة المالية، وبحث في السوق وسأل عن متخصصين، لين ما طاح على شريكه عبدالله الجضعي، يقول أنا مجهز له أسئلة بختبره، في دقيقتين لقيته يدرسني عن الشغله من شطارته فيها، فاتفقنا مباشرة على الشراكة 🤝
تقدر قيمة الشركة الآن بأكثر من مليار🔥
بالنسبة للمبيعات: …. (مانقدر نقول ولا الجضعي بيرفع علينا قضية👨🏻⚖️)
في الجزء الأخير من اللقاء تقهوينا جميع وصار فيه فرصة للحضور يتعرفون على بعض ☕️
ما حالفك الحظ تحضر؟ أبشر بعزك المرة القادمة بنختار مكان أكبر وبنتشرف فيك معنا ❤️
على السريع: جلسة مع شركة بـيـنـه 📖
بينه باختصار هي منصة تربط المحامين المرخصين والمستشارين القانونيين الموثوقين بالباحثين عن الاستشارات والخدمات القانونية 🧑⚖️ 👩⚖️
جلسنا مع معاذ مؤسس الشركة وتكلمنا عن رحلتها، وهنا بنعطيكم الزبدة:
معاذ مهندس اتصالات تخرج واشتغل في الهندسة 4 سنوات تقريبًا وكان عنده شغف بالتقنية والمبيعات 📡📠 فقرر ترك الهندسة وإكمال مسيرته في المبيعات ولمدة 12 سنة، لكن بعدها وبالتحديد في 2019 صارت له مشكلة وقرر يتوجه لمحامي وبالفعل لقى محامي له تقييمات عالية على إحدى المنصات لكن وقتها اكتشف أنه ما عنده رخصة محاماة، فوقف هنا 🫸 وجاته فكرة بينه وتنظيم وتوثيق السوق القانوني 📝وعرض المشروع على شريكه أحمد وقرروا يبدأوا مع بعض
الشركة بدأت بتمويل ذاتي من المؤسسين إلى 2023، وبعدها انطلقوا🚀
الانطلاقة القوية للشركة صارت بعد ما وظفوا فريق تسويق قوي، وشاركوا في أكثر من مسرعة أعمال ساعدتهم بالعلاقات وتعرف الناس بمنتجهم وتأسيس علاقات مع المستثمرين وتطوير شخصياتهم🤝
العمل عن بعد vs العمل المكتبي🧑💻
الشركة فيها 25 موظف و تعتمد بالكامل على الدوام عن بعد، وهذا خلانا نسئلهم كيف ضبطت معهم؟
اختيار الأشخاص كان لناس متعودين بالعمل عن بعد وهذا سهل عليهم🖥️
كل شخص عارف مهامه وما صار أي تقصير
هل بيستمر الوضع؟
حسب معاذ أن العمل عن بعد بالكامل ممكن يستمر بالكامل أو لا حسب حاجة الشركة خاصة مع النمو المتسارع، وممكن كذلك ينتهجوا نظام عمل هجين مكتبي وعن بعد، لاقتناعهم بأن:
العمل المكتبي أسهل بالتواصل👔
التواصل الشخصي المباشر يختلف دائمًا عن الاجتماعات اونلاين لأنه يوصل الفكرة أحسن🏞️
التواصل الأفضل يسهل العمل ويحسن النتايج✨
أبرز معلومات بينه:
الإطلاق: ديسمبر 2020🚀
نظام العمل: جميع الفريق شغال عن بعد🧑💻
عدد الفريق: عندهم 25 موظف (قبل 2023 كانوا فقط 5 موظفين) 👨💼👩💼
مسرعات: شاركوا في مسرعة التجارة الإلكترونية لمنشآت، مسرعة flat6labs، مسرعة بلق أند بلاي من مسك، وحاليًا في كراج
70% من النمو حققوه في 2023📈
95% من المنتج أعيد بناءه في 2023 ♻️
حصلوا على تمويل 200$ ألف في 2023 💰 💵
ليب24 ساعدهم بالوصول لفئات أكبر وكان سبب في حصولهم على استثمارات إضافية من مستثمرين جدد
وقف عندك 🛑✋🏼
إلى متى يلعبون عليك بالأسعار الغالية؟ 💸
كيان توصلك لدوامك ولأي مكان تبيه بأفضل سعر ✅
ملاحظة: ممكن يوصلك واحد من عيال الشاعر 👨🏻⚖️
حمل التطبيق من هنا 🚕
ستارتب فنانة ماحد يعرفها: استأجر 🪙
يا كثر ما نشتري أشياء عشان نستخدمها مره وحده بعدين نرميها في الأدراج!👎🏼
ببساطة هذي المشكلة اللي جالسين يحلونها فارس وليد ومحمد يوسفان🧔🏻♂️🧔🏻♂️
الشباب مطورين حلول للتأجير بعقود إلكترونية موثقة عشان توفر قروشك وتستأجر بدال ما تشتري😌
يمديك تستأجر أشياء مرة كثير(مستلزمات تخييم, أدوات إلكترونية…إلخ)
مثال عجيب: يمديك تستأجر ساعة أبل ليوم واحد وتدفع 9 ريال بس⌚️
هذا موقعهم ونتمنى لهم التوفيق 👏🏼
لقاء عقاري تقني🧑🏻💻🏢
مهتم بالتقنية العقارية (بروبتك)؟🧑🏻💻
لا تفوت لقائنا مع إبراهيم الشهيل الرئيس التنفيذي لتطبيق عقار🏢
بنناقش فيه الفرص اللي قليل يعرفونها في مجال التقنية العقارية✅
متحمسين نشوفكم ❤️
قد تسائلت ليش محتوى الأعمال العربي ضعيف؟ 📢
حنا نقولك:
أسباب مادية لأن إنتاج محتوى أصيل يتطلب موارد كبيرة💰
+
في صفر لواحد مانرضى نأخذ فلوس من أحد عشان نطبل له 🥁
كل محتوانا صدقي والشيء اللي فيه رعاية أو مدفوع نحطه بفقرة منفصلة بدون لف و دوران ✅
كيف تقدر تساعد؟
بسيطة: تفاعل معنا🧑🏻💻
إذا أعجبك محتوانا لازم تشاركه مع الناس اللي بتستفيد منه 👇🏼
سويها ولا ترا بيبتل المحتوى العربي ضعيف بدون تطور😢
خاتمة
رحلة البحث عن الـ product-market fit:
شكراً لكم على الaccess. أكبر هدية وأحسن شيء صار بالإنترنت من أيام النت لوق.