💥الشركة اللي ماسمعت للصناديق وكسرت الدنيا
👱🏻♂️ترامب طلع مهبول مو بس في السياسة
صفر لواحد منصة إعلامية تغطي الشركات الناشئة المحلية 🕵🏻♂️📰
هدفنا؟ تمكينك💪🏼
مو لازم تكون جزء من إستراحة معينة ولا تعرف ناس واصلين💰
تابعنا بس وبتحصل إنك عرفت الكثير من المعلومات القيمة عن عالم الشركات الناشئة في السعودية🧑🏻💻
نشرتنا اللي تقرأها الحين بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
في حال ما اشتركت في النشرة وجالس تتصفح بس اشترك من هنا👇🏼
لاتشارك أحد يقول هذي الجمل:
- أنا علي التسويق وأنت عليك الباقي 🔻
- ولد خالي واصل بيضبطنا🔻
- حجم السوق XXX أنا ما أبي منه إلا 1% 🔻
أهم الأخبار: 🗞️
السعودية تتصدر إجمالي صفقات رأس المال الجريء في المنطقة خلال نصف 2024 الأول🥇
استحوذت المملكة على 54% من قيمة رأس المال الجريء في المنطقة بقيمة 1.5 مليار ريال (412 مليار دولار)💰
كان قطاع التجارة الإلكترونية الأكثر حصولًا على الاستثمارات، فيما كان التقنية المالية الأكثر .... تفاصيل أكثر
شركة 44.01 العمانية تحصد 37 مليون دولار في جولة استثمارية (Series A) 💰🇴🇲
تهدف حلول الشركة إلى تقليل نسبة التلوث في الجو عن طريق تحويل ثاني أكسيد الكربون إلى صخر، مستغلة وجود صخور البيريدوتيت في سلطنة عمان وهي صخور قادرة على التقاط كمية كبيرة من ثاني أكسيد الكربون من الهواء وتحويلها إلى معادن 🪨
قاد الجولة شروق بارتنرز وEquinor Ventures وشارك… تفاصيل أكثر
ادفع باي تضيف المغرب إلى قائمة أسواقها🇲🇦
بعد الحصول على ترخيص رسمي للعمل في المغرب لتقديم حلول نقاط البيع وبوابات الدفع 💻📱
وذلك بعد التوسع إلى تونس وباكستان وأمريكا اللاتينية ... تفاصيل أكثر
قرنتافاي تعلن عن شراكة مع رابطة الدوري الإيطالي ⚽️
ستدخل الشراكة حيز التنفيذ بداية الموسم القادم مع 4 تجارب أداء خلال العام تقام بوقت واحد في 6 بلدان في منطقة الشرق الأوسط وشمال أفريقيا مرة واحدة كل 3 شهور🥅
بهدف جذب أكثر من 4 آلاف ... تفاصيل أكثر
شركة CoinDCX الهندية تستحوذ على بت أويسس الإماراتية🇮🇳🇦🇪
دون الإفصاح عن قيمة الاستحواذ 🪙، سيساعدها الاستحوذ بالتوسع إلى 15 ... تفاصيل أكثر
شركة EXITS MENA المصرية تتوسع إلى السعودية 🇸🇦🇪🇬
سيكون التوسع عبر تأسيس كيان جديد في المملكة بدعم مجموعة من المستثمرين السعوديين 🏬
سويبلي تغلق جولة استثمارية بقيمة 2 مليون دولار💰
أعلنت شركة حلول الإعلانات السعودية، سويبلي، عن إغلاق جولة استثمارية (Seed) بقيمة 2 مليون دولار📰
بمشاركة سنابل 500 Global وشركة سلة ... تفاصيل أكثر
سكوب الأسبوع: مـرنـي 🕵🏻♂️
من ما يذكر مرني؟ وحده من أقدم الستارتأبز السعودية اللي كان عليها كلام كثير في 2015-2017
ومن بعد كورونا ما عاد صرنا نسمع عن الشركة الا إذا جت أمطار قوية ولقيناهم يساعدون اللي غرقت سياراتهم مجانًا!👏🏻
مرني باختصار هي شركة تقدم خدمات متنوعة مرتبطة بالسيارات بدايةً من المساعدة على الطريق، وتوسعت تدريجيًا في خدماتها من السطحات للصيانة والمزادات والتشليح لتسوية مطالبات التأمين وغيرها 🚗
جلسنا مع سلمان السحيباني، مؤسس مرني ورئيس مجلس الإدارة، وهنا أهم الأشياء اللي قالها:
بين 2016 وحتى 2020 كان في لخبطة – الشركات الكبيرة تبي تصير شركات ناشئة والشركات الناشئة تبي تصير كبيرة، كان في struggling concept 👉👈
إلى 2020 كانت مرحلة تجارب صعبة، بمعنى أنك ما تدري وين الوجهة أو القرار اللي تاخذه خطأ بسبب المنافسة على البزنس وتحديات تغيير القطاع ما في إلا قوة تصديم جدران 🧱
في مرحلة سابقة كنا نعاني من منافسة القطاع العام، أحد الشركات كان يصعّب عملنا بطرق مختلفة، لين وصلنا معهم مرحلة بعنا عليهم السورس كود كامل بـ 200 ألف ريال وفشلوا في الاستفادة منه🥶، لأن التحدي في عمليات التشغيل ما هو في الكود!
كثير من الشركات في فترة كورونا حولت لتوصيل الأكل 🥪 وحنا كنا نقدر بكل سهولة بس ركزنا على السيارات ❌ لأنه لو تلاحظ ما في أحد في السعودية والمنطقة يركز على السوق وياخذ على محمل الجد
في بداياتنا بعض الـ VCs أزعجونا بالتنظير ببناء تقييمهم للاستثمار على تكلفة الاستحواذ على العميل والقيمة الدائمة للعميل (LTV/CAC)، فمدري هم يبونني أبنشر كفرات الناس عشان يرجعون يستخدمون مرني؟😂
منظومة السيارات فيها مشاكل معروفة من الأزل وسوق خدماتها موزع بين جنسيات أجنبية معينة مرورًا من البنشر وحتى أكبر خدمات الصيانة لكن ما في قائد في السوق market lead 🚗
المنظومة مجزأة 🍕وفيها فرصة كبيرة وكنت أشوف فيها فرصة لزعزعة السوق لكن كنت أواجه إشكاليات مع المستثمرين خصوصًا لما يقولك أنت قاعد تشتت نفسك وحاول قلل حجم الكيكة (يقصد التركيز على جزء وليس كل مشاكل السوق) عشان تصير يونيكورن، كنت أقول حجم السوق نفسه يخليني يونيكورن وأنا لا أطمح لأكثر من 20% من السوق🦄
عندنا خدمات كثيرة ثانية وشراكات كبيرة B2B مع شركات تأمين ووكالات السيارات وشركات التمويل، وهذا اللي يخليكم ما تدرون وش نسوي مع أننا نلمس حياتك كل يوم لكن ما تدري انه احنا – مثلًا لو تطلب الخدمة من التعاونية أو تكافل أو هونداي أو ذيب أو لوسيد، أنت تتعامل مع ذيب ولوسيد لكن بتلقى مقدم الخدمة هو مرني🛻
لوسيد ماخذين قبل البيع وبعد البيع شراكة معهم – نستلمها بمصنع جدة ونخزنها عندنا ونوصلها للعميل، وإذا صار لها عطل وتحتاج مساعدة تحتاج صيانة كلها احنا. وماسكين لوسيد في الإمارات 🚘
عملنا نموذج اشتراك يعطيك مزايا مثل خدمة النقل للسطحة مسافة معينة بعدها تدفع مقابل كل كيلو وحاولنا نطبقه على الأفراد لكن ما مشى، واليوم هذا النموذج يخدم أكثر من 2.3 مليون سيارة في المملكة لكن من خلال عدة قنوات 🚀
فكرة سلمان السحيباني لا تتوقع أنه ما حد جابها ولا مفر فيها، كل تجار السعودية عارفين بس صعوبة السوق ذاته اللي كانت الأساس 🔰 وقدرنا نخترق السوق لأننا قدرنا نتكلم مع راعي السطحة وصناديق الاستثمار بنفس الوقت!
نواجه تعليقات سيئة في قوقل، ولكن جالسين نلقى أنهم أشخاص كانوا منتفعين من الوضع السابق للسوق ويتلاعبون بالأسعار، كمثال مزادات السيارات كان يكون فيها تلاعب، يتغامزون وبعد المزاد يتقاسمون الربح، أما الآن إلكتروني ومجهول فتضطر تروح للسعر العادل⚖️
طموحنا يوم من الأيام إنه يكون عندك مرني تأمين، سواء شراكة مع شركات التأمين الحالية، أو إننا ناخذ رخصة التأمين🪪
قد نتوجه أننا نطلق منتجات جديدة (كفرات مرني/بطاريات مرني)، تجمع السعر مع الجودة🛞
نشوف أن قطاع التأمين هو القطاع الواعد القادم، وبيكون للـ insureTech زخم كبير وقتها🔥
هيكل الشركة:
اليوم مرني صارت شركة قابضة تحتها 4 شركات 🔢
الابتكار المتقدم اللي بدينا فيها وتقدم خدمات لوجستية للسيارات
شركة المركبة الجديدة وتشمل معرض سيارات وغيرها
شركة ثقة لخدمات السيارات لمراكز الصيانة والورش
شركة لاباس لتسوية المطالبات التأمينية (مرخصة من هيئة التأمين)، وهذي تساعدنا أنه إذا صار لك حادث لا سمح الله، بطلب واحد (تجيك سطحة تاخذ السيارة - نعطيك سيارة بديلة أو تاكسي يوصلك - تتصلح سيارتك للوكالة أو مركز معتمد وتورد لك قطع غيار أصلية وتتصلح وتتوصل لك!)، كانت شركة مستقلة واستحوذت عليها مرني في 2020
أحد منتجاتنا "مرني باركينج" استغربنا أكثر فئة أناس عندهم بعض السيارات الكلاسيك، وناس عندهم سيارات تستخدم في الشتاء فتوقف عندنا بالصيف 🏎️ وفئة الناس اللي تشتغل برا (سفراء/قناصل..) نستلم السيارة منهم بالمطار ونحفظها في مواقف معزولة وإذا رجع نجيبها له في المطار وهي منظفة ومفحوصة ولو محتاجة صيانة نبلغه ونسويها له بـ 1,500 ريال/شهر🚘
المعرض موجود عشان نقدر نبيع مزاد 🏪، حاولنا نحصل على نفس الترخيص لتطبيق مزاد سيارات إلكتروني أو معرض سيارات إلكتروني، لكن ما قدرنا. فكان الحل الوحيد أننا نفتح معرض، لأنه بعد تعديل نظام المرور، صار البيع والشراء الإلكتروني للسيارات محصور على المعارض فقط
التسويق:
يقول سلمان:
نعتبر مرني خدمة مسؤولية اجتماعية 🆘 وأقول للشباب دائمًا أن هذه الأشياء بتستمر طالما أنا موجود بعد وفاتي، يسوون اللي يبون. لكن إذا صار عندنا طوارئ، مثلًا في المطر، يصير الطلب كثير على السحب واحنا نسويه مجانًا، السطحات يزعلون منا لانهم يسحب السيارة من المستنقع بـ 400 ريال أو 500 ريال. نفتخر بهالشي ونعتبره أقل واجب. في آخر أمطار بجدة، سحبنا أكثر من 1200 سيارة في شهر، وفي أمطار دبي الأخيرة بعد قدمنا خدماتنا المجانية🫡
أرقامنا حلوة بالنهاية. 1200 سيارة، كم تكلفني سحبها؟ 🫰 احسبها. أكيد ما راح أدفع 400 ريال للسحب، التكلفة كم؟ يمكن 100 ألف ريال في يوم. لو بغيت أجيب مشهور أو أي أحد يسوق أو أشارك في أي معرض كلها تكاليف. لكن ما تلمس الشخص اللي يحتاج الخدمة كثر ما فعليًا أنت قدمت له خدمة فرّجت عليه في أزمته وهذا الشيء يخليه ما ينساك
خدمات الـ B2C عندنا مثل "مرني باركنق"، الطلب عليها يفوق المتاح عندنا كثير فما نحتاج نسوق لها حاليا🤑
الأداء:
2019: 40 ألف اشتراك
2020: 490 ألف اشتراك
2021: 900 ألف اشتراك
2022: 2 مليون اشتراك
2023: 2.4 مليون اشتراك
والآن هدفنا نمو 15% 📈
التمويل:
الجولة الأولى: أبريل 2016 مع المجدوعي (رائد فنتشرز حاليا)
الجولة الثانية: يناير 2019
الجولة الثالثة (تقييم 500 مليون ريال): ديسمبر 2020 مع جي سكوير
لو بنطلب تمويل جديد؟ بنجمع 750 مليون ريال بنسوي فيها "Morni Car City"مدينة كبيرة تسوي كل شيء للسيارات 🚗🔧 وجالسين نتعمق في الموضوع حاليا، والبنوك تتسابق للتمويل💰
بالنسبة للـIPO أنا أشوفه تخارج وأنا بالنسبة لي ما أبي أتخارج أكثر ومؤمن أن الشركة لها مستقبل واعد ☀️
كجزء من الجولة الأخيرة، كان فيه بند يسمح للمؤسس ببيع ما يصل إلى 3% من الشركة بعد 6 شهور من الجولة ولمدة سنة ونص، وتم التخارج الجزئي فيها على أفراد
التغيير في القيادة (من مدير تنفيذي إلى خادم للشركة):
معلومة ممكن تصدم البعض، لكن سلمان مؤسس مرني ما عاد هو مديرها التنفيذي، وهالكلام من 2021🤯
وضح لنا سلمان أن هالتحول صار بسبب شغفه وعاطفته في بعض القرارات اللي صارت ما تناسب شركة بهالحجم، وهالشيء برغبة منه لإيمانه أن هالخطوة في مصلحة الشركة🎯
مرني استقطبت شهيل الشهيل كمدير تنفيذي (واضح عيال الشهيل تخصصهم إدارة الشركات بهالمرحلة )
سلمان حاليا على حد وصفه هو "خادم الشركة"، فكل يوم يلبس قبعة حسب وين الشركة تحتاجه سواءً حل مشكلة عميل أو فرصة توسع دولية🎩
سألناه وشلون قدر يحكم العلاقة مع مدير شركته؟ وجوابه كان أنه هو وشهيل متفقين على وجهة محددة للشركة، وأن الاختلافات في وجهات النظر بينهم كثيرة لكنها ما تتجاوز حدود العمل، والهدف هو الوصول للوجهة (عجزنا ناخذ منه جواب عن الوجهة اللي حاطين عينهم عليها!)🛫
التوسع الدولي:
تعلمت من 2018 إلى 2021 مو لازم تتوسع إلا إذا أنت قادر تكبر بنفس مستواك في سوقك الأساسي، خاصة أن السوق السعودي كبير جدا جدا ↗️
كانت لنا تجربة في مصر 2018، وعانينا من تلاعب الموظفين للتهرب من العمل (السيارة عطلانة/النت بطيء/الكهرب عطلان/وصلني عرض أفضل.. إلخ)، وكذلك كان السوق المصري سابقًا غير مستعد، بحيث كان الاعتماد الأكبر على ما يسمونه (بتاع الدوكو)، وهو عامل الحارة اللي يشتغل على السيارة في الليل وأنت نايم ويخليك تستخدمها بنص تصليح الصباح، ويكمل عليها الليلة الثانية من بكرة..! ووقتها كانت قطع الغيار رخيصة جدا، فمثلًا كانت مراية البيجو بـ 13 جنيه، اليوم صارت 19 ألف مع تغير قوانين النقل والاستيراد، فصار التأمين ضرورة
بعدها في ديسمبر 2022 لقينا شريك مناسب (Exits me) في مصر وهم متخصصين بالاستحواذات والاستشارات لمساعدتنا لدخول السوق بشكل مناسب، ومعهم استحوذنا على 30% من Helpoo المصرية في مايو 2023
ندرس تأسيس شركة تأمين في مصر 🇪🇬
كانت لنا أكثر من تجربة في دخول السوق الإماراتي وهو سوق صعب، ونجحنا في التجربة الأخيرة بالشراكة مع مواصلات الإمارات 🇦🇪
أرقام متنوعة:
مساحة المستودعات: 30+ ألف متر 📦
نخدم 300+ ألف سيارة 🚗
التشليح: يتم تفكيك قطع السيارة كاملة خلال 4 ساعات باحترافية وحفظ باركود لكل قطعة 🔧
تستجيب لـ 1,200+ حادث يوميًا (الحوادث اليومية الكلية 5,000~ حادث) 🚗 💥
اشتراكات الأفراد: 20~ ألف 📈
فريق العمل 200، وقبل الجولة الأخيرة كانوا 40 فقط 🧑🏭🧑🏭
إيرادات الشركة في 2021: +100 مليون ريال 💰
المقابلة الكاملة مع سلمان بتلقونها قريبًا في موقعنا!🔥
جلسات صفر لواحد: سلطان الخيال 🏇🏻💰
جلسنا مع سلطان الخيّال وكانت ليلة رهيبة!💚
جلساتنا حصرية للمشتركين معنا في النشرة, إذا ما اشتركت من هنا 👇🏼
قصة رهيبة وكالعادة ماراح تسمعونها إلا عندنا ✅
الجلسة كانت بدون تصوير وتسجيل عشان الضيوف والحاضرين يأخذون راحتهم 🎥❌
استضفنا على المسرح: سلطان الخيّال الشريك المؤسس والرئيس التنفيذي لشركة دراهم💰
حاوره عبدالعزيز النفيعي من صفر لواحد 👓🎤
نقاط سريعة من اللقاء للي ماقدر يحضر:
سلطان من أسرة قليل اللي كانوا فيها تجار أو رواد أعمال 💼
أصر إنه يعلمنا إنه خريج البترول 😩
خلال دراسته في الجامعة سوا تطبيق اسمه وين ناكل؟ يساعد اللي محتار ومايدري وين يروح ياكل (الكلام هذا قبل قوقل مابس 👴🏼)
كان يدري إنه يبي يشتغل في التقنية بس مايدري وش بيسوي بالضبط؟ فجات الفكرة إنه يشارك 4 من أصحابه ويسوون أقواس (شركة مقاولات تقنية) 🛠️🧑🏻💻
أثناء عملهم في أقواس سووا مشاريع لجهات معروفة ✅
أما عن قصة تطبيق صراحة المثيرة فـ….. آسفين مانقدر نقولها 🤐
استمرت أقواس بالتوسع والتطور، وجاهم مشروع كان مخلي حماسهم فوق السحاب!.. وهو أنهم يطورون متجر إلكتروني جديد لوحده من أكبر شركات التجزئة السعودية.. سلطان وفريقه كانوا متحمسين أنهم يبنون متجر بتجربة استخدام ما تقل عن أمازون.. لكنهم انصدموا بالواقع المر بتدخلات العميل اللي وصلت حتى للغة البرمجية اللي يستخدمونها! ولأن العميل عقليته عقلية ديناصورات، اضطروا يمشون على كلامه وبنوا متجر بسيط يمشّي الحال لا ❌
بعدها جا قرار سلطان، أنه لازم يلقى شيء جديد يشتغل عليه بحسب رؤيته وطموحاته بدال مجرد تلبية طلب العميل و من هنا جات فكرة دراهم 💰
تطبيق دراهم في الأساس كان المفروض يكون منتج من ضمن أقواس لكن أول مابدأوا عرفوا على طول إنه أكبر من إنه يصير منتج 🔥
رحلة التمويل ماكانت سهلة لأسباب كثير منها… برضه جزء آخر مانقدر نقوله 🤐
من أفضل النصائح اللي جاتهم إنهم يجربون الإلتحاق في مسرعة YC الشهيرة
تجربة YC كانت ممتازة لأنهم أتاحوا لهم فرصة التواصل مع خبراء كثير يختصرون عليهم الطريق 👨🏼🦱
من النصائح المهمة في الفنتك, ابدأ شركتك وبعدين بيجيك المشرّع يعلمك وش تحتاج ✅
عادي أن بعض الجهات تهملك في البداية مهما راكضت وراهم، لكن من تبدأ تحقق نجاحات تلقاهم هم يبادرون يحاولون يشتغلون معك فلا تشخصن 💫
في الجزء الأخير من اللقاء تقهوينا جميع وصار فيه فرصة للحضور يتعرفون على بعض ☕️
ما حالفك الحظ تحضر؟ أبشر بعزك المرة القادمة بنختار مكان أكبر وبنتشرف فيك معنا ❤️
بروفايل: دونالد ترامب👱🏻♂️
دونالد ترامب، قبل ما يصير رئيس للولايات المتحدة، كان معروف كرجل أعمال مغامر دخل مجالات مختلفة وحقق فيها نجاحات كبيرة. خلونا نتكلم عن رحلته من البداية ونشوف كيف ترك بصمته في عالم الأعمال 💼
ترامب بدأ مشواره في عالم العقارات تحت إشراف والده فريد ترامب اللي كان عنده شركة عقارات ناجحة في نيويورك. تعلم الأساسيات من والده، لكنه كان طموح ويبغى يوسع إمبراطورية العائلة. في السبعينات، ترامب أخذ خطوة جريئة ودخل عالم العقارات التجارية والفنادق، وفعلاً، كان قراره هذا نقطة تحول كبيرة في مسيرته 🏢
أول مشروع كبير له كان تحويل فندق Commodore المهجور إلى فندق Grand Hyatt الفخم. المشروع هذا كان مخاطرة كبيرة، لكن ترامب نجح فيه بفضل قدرته على التفاوض وجلب المستثمرين. بعد هذا النجاح، توسع في مجال العقارات الفاخرة، وبنى أبراج مثل Trump Tower في مانهاتن اللي صار رمز للترف والفخامة 🗽🗼
ما وقف عند العقارات، ترامب دخل مجالات ثانية زي الكازينوهات في أتلانتيك سيتي (أستغفر الله ترا حرام)، اللي كانت مشاريع جريئة ومليانة بالمخاطر. نجاحاته كانت مختلطة، وبعضها واجه مشاكل مالية، لكنه كان دايماً يعرف كيف يتكيف مع الأوضاع ويستغل الفرص 🎲
في التسعينات، دخل مجال الترفيه والإعلام، واشترى حقوق ملكية مسابقة ملكة جمال الكون وملكة جمال أمريكا. لكن النجاح الكبير جاء مع برنامجه التلفزيوني "The Apprentice"، اللي صار من أكثر البرامج شعبية وجلب له شهرة عالمية. البرنامج جلب له أرباح تقدر بحوالي 213 مليون دولار من عائدات الإعلانات وصفقات الرعاية 🎥💰
ترامب كان دايماً يعرف كيف يستغل اسمه كعلامة تجارية. وضع اسمه على كل شيء من الأبراج والملاعب إلى شرائح اللحم ومياه الشرب. استغل اسمه وشهرته بذكاء في التسويق وزيادة أرباحه. ثروته وصلت في ذروتها إلى حوالي 4.5 مليار دولار بحسب فوربس 💵
من الناحية المالية، ترامب واجه تحديات كبيرة، بما في ذلك إفلاس بعض مشاريعه. أربع من كازينوهاته أعلنت إفلاسها بين عامي 1991 و2009. لكنه كان دايماً يعرف كيف يتجاوز الصعوبات ويبدأ من جديد. بالرغم من التحديات، ثروته الحالية تُقدر بحوالي 2.5 مليار دولار 📉
مؤخراً، دخل ترامب مجال التكنولوجيا والإعلام الرقمي بإطلاقه لتطبيق التواصل الاجتماعي Truth Social في 2022. التطبيق يهدف إلى تقديم منصة بديلة عن وسائل التواصل الاجتماعي التقليدية، ويركز على حرية التعبير وتجنب الرقابة. Truth Social جذب استثمارات ضخمة واهتمام واسع من جمهور ترامب والمستثمرين في عالم التكنولوجيا، تم إدراجه في سوق الأسهم قبل أشهر وتبلغ قيمته حاليًا 7 مليار 📱
باختصار، دونالد ترامب كرائد أعمال مغامر كان يعرف كيف يحول الأفكار الجريئة إلى مشاريع ناجحة، ويستغل الفرص بأقصى طاقته. نجاحاته وإخفاقاته علمته كيف يتكيف ويتطور، ويظل دايماً في المقدمة. قصة ترامب تعلمنا أهمية الجرأة، والإصرار، والتكيف في عالم ريادة الأعمال ✅
ستارتب فنانة ماحد يعرفها: تسخير ✅
تسخير باختصار تقدم حلول تساعدك على الإدخار عن طريق الجمعيات💰
يعني منافس قوي للمعلمين والمعلمات اللي رواتبهم 10000 وفجأة تحصلهم يدخرون 15000 💸
أسسها عبدالرحمن الدخيل وهديل الحربي 🧔🏻♂️🧕🏻
تسخير تركز على توفير حلول متوافقة مع الشريعة للجمعيات الادخارية، مع خيارات أسبوعية وشهرية 🗓️
حاليًا يخدمون أكثر من 22 ألف عميل ومازالوا منطلقين 💫
هذا موقعهم ونتمنى لهم التوفيق 👏🏼
لو عندك خبر في عالم الستارتب وماشاركتنا إياه…محد بيدري عنه 👎🏼
مجموع متابعينا على كل المنصات تجاوز الـ 100K 🤯
تواصلوا معنا على: newsletter@zto.sa 💌
خاتمة
PaaS = Praise as a service
شكرا لكم على المحتوى والجهد الجميل