دليلك في معرض فنتك 24
وين توقف سيارتك؟ وش الأشياء اللي لازم تحضرها؟
خايف يفوتك شيء من معرض فنتك 24 و تندم؟
حنا مثلك و عشان كذا رحنا ذاكرنا كل شيء بيتقدم في فنتك 24 📖 وحضرنا اليوم الأول من بدايته لنهايته، و سوينا لك ملخص لأكثر الأشياء اللي ماودك تفوتها
ملاحظة: بنحدث النشرة كل ماتوفرت معلومات أكثر ℹ️
قبل مانعطيك الزبدة, بنقولك معلومات تمنينا لو أحد قالها لنا:
المواصلات
المعرض في واجهة روشن على طريق المطار:
فيه 5 أماكن مختلفة للمواقف للعموم (مفتوحة من 9ص-6م)، ومدخلها من طريق المطار أو الثمامة (الموقع بخرايط قوقل)
فيه مدخل خاص للعارضين، من طريق الثمامة
فيه مكان مخصص للتكاسي وتطبيقات التوصيل
المواقف البعيدة فيها سيارات قولف مجانية تنقلك للقاعات (أو يمكن ما تلقاها وتلقى سيارة وردية صغيرة غريبة توديك للقاعة بـ 20 ريال)، وترا شكلها ما تشتغل بعد الساعة
نصائح وملاحظات عامة:
الدخول من بوابة 3، وسجل في التطبيق عشان تأخذ بطاقة الدخول الإلكترونية, لأنك لو ماسويتها بيخلونك تصف طابور للطباعة 🪪 (عند المدخل لو تبي يوزعون أكياس ومويه)
سو لك بزنس كارد إلكترونية, لأن الورقية بتضيع من كثر الناس اللي بتقابلهم فيه مواقع كثير تسوي لك إياها مثل Blinq، أو اعتمد على الإضافة السريعة في لنكدإن (وتابع صفحتنا هناك على طريقك)
التطبيق مفيد لمراجعة الجلسات وتحديد أماكن الشركات، استفد منه
دورات المياه نظيفة وما عليها زحمة
وانت طالع احتمال تلقاهم يوزعون آيسكريم ببلاش يبرد عليك
بشكل عام، طالما تتابع نشرتنا فغالبًا الجو هناك بيعجبك وبتلقى ناس وشركات يفيدونك إذا عرفت تستغل وقتك صح
المعرض مقسم 3 أقسام:
شركات تعرض اللي عندها في أجنحة (بوثات)
القاعات وفيها جلسات حوارية وبعض الإعلانات 🎤
مسابقة الشركات الناشئة FinTech Forge 🚀 (إجمالي جوائزها 250$ ألف)
طيب وش الأشياء اللي تسوى إنك تحضرها؟
قسمناها لكم حسب الاهتمامات:
أشياء عامة
رواد الأعمال
الطلاب
الأشياء العامة:
مستقبل التقنية المالية
المكان : Executive Summit
الوقت: الأربعاء 10:35-11:05
هل آلية تصنيف العملاء للاقتراض جالسه تتغير بسبب أدوات التقنية المالية الجديدة؟
المكان: 24 Trends
الوقت: الأربعاء 10:50 - 11:30
عرض الشركات الناشئة بمسابقة Fintech Forge (24 شركة)
المكان: Fintech Fusion
الوقت: الأربعاء 3:30-5:40
كيف المصرفية المفتوحة بتغير الخدمات المالية؟
المكان: Futures Forum
الوقت: الخميس 3:25-4:00
العرض الختامي للمسابقة (FinTech Forge)
المكان: Executive Summit
الوقت: الخميس 3:00 - 5:00
لرواد الأعمال لايفوتك:
الرحلة من محفظة رقمية إلى بنك رقمي (stc Bank)
المكان: Executive Summit
الوقت: 4 سبتمبر 10:15-10:35
الرحلة للاكتاب: قصة رسن (تأميني)
المكان: FinTech Fusion
الوقت: 4 سبتمبر 10:30-10:55
بعيد عن الهياط: معرفة القيمة المضافة الحقيقية للفنتك حقتك
المكان: FinTech Fusion
الوقت: 4 سبتمبر 1:10-1:35
بناء المستقبل: عالم ستوديوهات الشركات الناشئة في الفنتك
المكان: FinTech Fusion
الوقت: 4 سبتمبر 1:35-2:00
ثورة تقنيات التأمين
المكان: Executive Summit
الوقت: 5 مارس 12:40-1:10
للطلاب:
نصيحة سريعة🎁: إذا حاب تزيد فرصك في التدريب ركز على الستارت اب اللي بوثاتهم صغيرة، هذولي اللي متوهقين بضغط الشغل ويحتاجون مساعدة بشكل عاجل، وترا التدريب مب الخيار الوحيد، ممكن تعرض خدماتك بأنك تشتغل معهم بدوام جزئي
بس لايفوتكم:
تنفيذ بنى تحتية قوية في التقنية المالية
المكان: 24 Trends
الوقت: 2:50-3:30
الابتكار في تجربة المستخدم في الخدمات المالية
المكان: 24 Trends
الوقت: الخميس 3:30-4:10
المخاطر السيبرانية الدقيقة في الفنتك
المكان: Futures Forum
الوقت: الخميس 2:10-2:50
خريطة المكان (أو الكروكي لأي أحد عمره فوق 35 👴🏼):
♥️ استمتعت بالنشرة؟ لاتنسى تشترك
ممتن لهذه الجهود