🇸🇦كيف يعمل صندوق الاستثمار الجريء السعودي؟

🎁 هدية: تقويم الفعاليات

صفر لواحد منصة إعلامية تغطي الشركات الناشئة المحلية 🕵🏻‍♂️📰

هدفنا؟ تمكينك💪🏼

مو لازم تكون جزء من إستراحة معينة ولا تعرف ناس واصلين💰

تابعنا بس وبتحصل إنك عرفت الكثير من المعلومات القيمة عن عالم الشركات الناشئة في السعودية🧑🏻‍💻

نشرتنا اللي تقرأها الحين بيكون فيها: 

• تفاصيل وتحليلات حصرية لأهم الأحداث 🕵️‍♂️

• حركات رهيبة تلهمك 💡

• شركات ناشئة جديدة 🇸🇦 

• تذكير بأهم الإيفنتات + دعوات لفعاليات حصرية📮

في حال ما اشتركت في النشرة وجالس تتصفح بس اشترك من هنا👇🏼

---

أخوي رائد الأعمال الجديد

إذا حسيت إن كل شيء غلط ومو قاعد يضبط, ترا معناها إن الأمور تمام

---

شفت تحصل على استثمار بقيمة 82.8$ مليون من ميراك

تعمل شفت (Shift) السعودية على توفير حلول متعددة لقطاع خدمات اللوجستية والنقل وتتواجد خدماتها في 57 مدينة سعودية 🚙🚚

شركة Amplify Growth تطلق صندوق إقراض للشركات بقيمة 100$ مليون

يأتي الصندوق بشراكة بين أجيج كابيتال ونواة كابيتال ويستهدف الشركات التقنية الناشئة في مراحل النمو وخاصة بين (Series A) و(Series C) 💵

صندوق ابتكار الفلسطيني يغلق لصندوقه الثاني بقيمة 25$ مليون

تزامن الإعلان مع استثمار البنك الأوروبي لإعادة الإعمار والتنمية 3$ ملايين في الصندوق، الذي يستهدف الاستثمار في 25 شركة فلسطينية 🇵🇸

كورال الإمارتية تغلق جولة استثمارية بقيمة 3$ ملايين

تأسست كورال في عام 2022 وتركز على تقديم حلول لمساعدة الشركات على إدارة الانبعاثات الكربونية ♨️

ميلا السعودية تحصل على استثمار بقيمة 227$ ألف

توفر ميلا منصة تساعد في تنظيم الفعاليات عبر توفير مختلف المستلزمات وربط أصحاب الفعالية مع المنظمين 🎉🥳

🖥️⬅️تفاصيل الأخبار ومستجداتها اليومية وتقاريرنا الحصرية وأكثر تلقونها (على موقــعنــا)

---

قصة صناديق الاستثمار الجريء وعملها في السعودية 🇸🇦

قطاعنا يتحرك بأموال الاستثمار الجريء اللي أغلبها يكون موجود في صناديق الاستثمار الجريئة ، وش سالفة هالصناديق؟ من يسويها؟ ومن يموّلها؟ من يتخذ فيها القرار؟ و وين الفرص اللي تستهدفها؟

هنا بتلقون الإجابات:

صندوق الاستثمار الجريء:

الصندوق هو أداة لجمع الأموال من مستثمرين مختلفين بغرض الاستثمار في الشركات الناشئة لمدة معينة (معلومة عادية بس لازم نذكرها)

أي صندوق جريء يكون فيه طرفين: (الشريك العام - الشريك الخاص)، وذلك لأنها عبارة عن شراكة قائمة بين طرفين رئيسيين:

• الشريك العام (General Partner)، وهو الطرف اللي يدير الصندوق وأعماله اليومية ويحدد استراتيجية الاستثمار ويقود اختيار الفرص، وعادةً يساهم بـ 1-3% من قيمة الصندوق لضمان توافق المصالح مع الشريك المحدود🤝

• الشريك المحدود (Limited Partner)، وهو الشريك اللي دوره محدود بالاستثمار ويقوم الصندوق على أمواله غالبًا.. ويودع مبلغ الاستثمار على دفعات للصندوق حسب احتياج الصندوق بناءً على قرار الاستثمار في الفرص (يسمونها استدعاء رأس المال Capital Call)💼💵

• أشكال الشركاء المحدودين (المستثمرين في الصناديق): نظرا للمستوى العالي في المخاطرة هنا فالمستثمرين عادة من كيانات وأفراد لديهم ملاءة مالية عالية ومحفظة استثمارية متنوعة الأصول (عقارات وأسهم وسندات وغيرها) بحيث تشغل الأصول الجريئة ما بين ٥٪-١٥٪ منها هدفها تحقيق عوائد عالية خلال مدة زمنية طويلة في حال نجحت ولكن لا تكون قاصمة للظهر في حال فشلت💸

• لما توقع مع الشريك المحدود يطلب حقوق معينة، ومدير الصندوق (الشريك العام) كذلك يحتاج آليات تضمن له التزام الشريك المحدود، وهالحقوق مصطلح عليها بشكل كبير على المستوى الدولي بمعايير مثل ILPA📜

• كمثال، وش يصير لما الشريك المحدود ما يدفع؟ لأن لو تخلّف أحد الشركاء فهو يؤثر على البقية⚖️

• فيه مجموعة آليات مصطلح عليها في السوق تتبناها الصناديق في اتفاقياتها تحاول تعالج هالمشكلة، مثلًا:

  • تعطيه مهلة⏳

  • أو تطلب منه بيع حصته لجهة أخرى💸

  • وآخرها الحل النووي اللي ما تبغى توصل له أبدًا، تصادر الحصة اللي موجودة وتوزعها لباقي الشركاء كتعويض لهم💣

• في السعودية يشهد الإطار القانوني عمل كبير على تغطية احتياجات هالنوع من الهيكلة وبجهود من مختلف الجهات، ومن مخرجات ذلك دعم الدولة لتأسيس جمعية رأس المال الجريء والملكية الخاصة من قبل مدراء الصناديق الحاليين للمساهمة في اتساق هالجهود مع متطلباتهم الميدانية وتعزيز الممارسات المثلى لرفع الثقة والأداء لهذا النوع من الأصول محليا وتشجيع توجه رؤوس الأموال المحلية بشكل أكبر في دعم المنظومة الريادية🇸🇦

مخاطر وتبعات تأسيس صندوق رأس مال جريء:

• عن تأسيس الصناديق السعودية خارجيا: صناديق الجريء للاستثمار في الشركات التقنية الناشئة قائمة على أخذ المخاطر العالية من خلال الاستثمار في الشركات الريادية الابتكارية، فبالتالي غير منطقي أخذ مخاطر إضافية تأتي مع بناء الصندوق نفسه بهيكلة مبتكرة ومختلفة عن الشائع والمجرب في السوق منذ عقود⚙️

• حتى مستثمرين الصناديق ما يبون الشريك العام يبتدع في هالجانب لأنه يبون شيء مجرب آلاف المرات، واختبرت طريقة عمله ويبي الشريك العام يركز على مخاطر السوق والتقنية🎯

• عملية بناء الصندوق معقدة وفيها تفاصيل كثيرة، لو أخطأت بواحد لأنك قاعد تجرب، ممكن تفتح الباب لمشاكل غير متوقعة من ناحية الحوكمة وحقوق وواجبات مدراء الصندوق و/أو مستثمريهم تشغلهم عن الهدف الأساسي للصندوق🪢

آلية عمل وإدارة صندوق رأس المال الجريء:

• الصندوق عبارة عن شراكة؛ الجهد يكون على الشريك العام والفلوس تجي من الشريك المحدود اللي هو المستثمر🤝

• الجهد ورأس المال عشان يشتغلون مع بعض عندهم تكاليف تشغيلية، هذي كيف تتغطى؟ بشيء يسمى رسوم إدارية Management Fees📊

• العرف في عالم رأس المال الجريء عالميًا إنها 2% ممكن تزيد أو تنقص شوي فبالتالي إذا عمر الصندوق المعتاد 10 سنوات نتكلم عن 20% من رأس المال يروح على تغطية التكاليف الإدارية، ولكنها بنفس الوقت محسوبة أنها ترد كاملة قبل أي مشاركة في عوائد الاستثمار💸

• المحفزات الفعلية للشريك العام اللي يدير الصندوق تتمثل بما يُسمى رسوم الأداء أو يسمونه في لغة الاستثمار الجريء، بالكاري (Carry)💰

• رسوم الأداء عادةً تكون ~20% من الأرباح بعد ما ترجع لمستثمرينك رأس المال كامل

• الرسوم الإدارية حقتك وش يسوون فيها؟ تغطية المصاريف التشغيلية للصندوق مثل رواتب الفريق وإيجار المكتب واشتراكات البرمجيات وقواعد بيانات الاستثمار وكذلك مستحقات المراجعات القانونية والمحاسبية وغيرها🏢

• في الغالب رسوم الأداء هي اللي يشتغل علشانها مدير الصندوق، الرسوم التشغيلية بيرجعها، وإذا خسر الصندوق يخسرون جميعًا بحيث يفقد الشريك العام فرصة مشاركة الربح

• مدة الصندوق: في رأس المال الجريء عادةً 10 سنوات وقابل للتمديد لسنتين وهذه الفترة تقسم إلى فترتين متساويتين عادة:

  • فترة بناء المحفظة: وتسمى فترة الاستثمار🏗️

  • فترة الحصاد: وفيها يتم التركيز على دعم شركات المحفظة إلى أن يحين لكل واحدة منها موعد التخارج الأنسب لها ومن ثم توزيع عوائدها على المستثمرين🌱🕰️

• التخارجات: الشركات الثورية أحيانًا تحتاج سنوات طويلة عشان توصل لمراحل يتضح فيها النمو ويصبح الوقت مناسب للتخارج، فشفنا في أمريكا صناديق سيكويا واندريسن هروتز طلعوا ترخيص عشان يقدرون يستثمرون نيابة عن مستثمرينهم في سوق الأسهم لأن شركاتهم تم طرحها وهي ما زالت في وتيرة نمو قوية وبالتالي الأفضل عدم التخارج منها إلى غيرها حتى تهدأ سرعة النمو فيصبح التخارج حينها أفضل ليتم توظيف العوائد في أماكن أكثر واعدية من قبل مستثمري الصندوق📈

• بعض الشركات تطول في النمو فلما تشوف جوجل وأمازون أغلب النمو اللي سووه بعد دخولهم سوق الأسهم فبالتالي لما تتكلم عن شركات تقنية قاعدة تغير السوق يبغى لها وقت طويل إلى أن تنضج وتصير جاهزة للقطف🚀

• المفارقة أن الشركات الممتازة ما تبي تطلع منها، فحسب البيانات من VenCap فأن الصناديق اللي يطلعون تخارجات سريعة أدائهم غير جيد، إذا تستهدف عوائد استثنائية فتأخذ وقت طويل، وبالمتوسط التخارجات تبدأ بعد 7 سنوات🧘🏻‍♂️

• لو شركة في المحفظة قيمتها عدت المليار وقاعدة تنمو 100% لو سحبت فلوسك منها وين تحطها؟ ما فيه مكان أفضل منها

• مستثمرين الصناديق: نظرا للمستوى العالي في المخاطرة هنا فالمستثمرين عادة من كيانات وأفراد لديهم ملاءة مالية عالية ومحفظة استثمارية متنوعة الأصول (عقارات وأسهم وسندات وغيرها) بحيث تشغل الأصول الجريئة ما بين ٥٪-١٥٪ منها هدفها تحقيق عوائد عالية خلال مدة زمنية طويلة في حال نجحت ولكن لا تكون قاصمة للظهر في حال فشلت💸

حوكمة الصناديق

• الحوكمة مهمة، فيه طرف ثالث عادة في حوكمة الصندوق يسمى أمين الصندوق Fund Admin 💼

• أمين الصندوق هو وحده اللي عنده الوصول على حسابك البنكي ولما يصير فيه استدعاء لرأس المال يتم من خلاله📞💰

• الاتفاقية اللي بين الشريك العام والشريك المحدود تسمى اتفاقية الشراكة المحدودة، هالشراكة بمثابة الدستور، يسلّم الدستور لأمين الصندوق، وأمين الصندوق عبارة عن شركة كبيرة متخصصة بهذا الدور مسؤوليتها تحفظ أو تنفذ الدستور📜🧑‍⚖️

•  مثلًا تم الاتفاق على صفقة معينة وصارت ولجنة الاستثمار حددت مبلغ X مليون ما يقدر الشريك العام يروح للحساب البنكي ويحول المبلغ للشركة، لازم يُرسل طلب استدعاء رأس المال للأمين

• الأمين يراجع الدستور هذا قبل الاعتماد؛ مثلًا من الشروط يقول ما يحق الاستثمار إلا بشركات خاصة ما تقدر تستثمر في شركة أسهم ولا شركة غير تقنية ولا شركة تأخذ أكثر من 5% من قيمة الصندوق، ولا تقدر تعطي قرض venture debt فالأمين يقرأ الاتفاقية كل ما يجي طلب يشوف هي متوافقة مع البنود أو لا  🔍

•  فيه شروط كثيره يحطونها المستثمرين عشان يضمنون الالتزام بالاستراتيجية اللي قدمت لهم وأقنعتهم بالاستثمار📝

• يتم ائتمان الأمين أنه يأكد التزام الطرفين، وحتى لما يصير مثلًا موضوع التخلف وتوزيع الحصة على الباقين، هو يسويها🧑‍⚖️

• فيه طرف رابع اللي هم المستثمرين نفسهم لهم لجنة تمثلهم: عادة أكبر 3-5 مستثمرين يسوون لجنة اسمها لجنة استشارية للمستثمرين المحدودين، يتم الرجوع لها في طلب أي استثناء لاتفاقية الاستثمار (الدستور)🧩

•  يعني مثلا، ما يكون فيه شركة تتجاوز 5% من حجم الصندوق، لو توفرت للصندوق فرصة خرافية يحتاج يتملك 6% فيها، من يسمح فيها؟ هاللجنة

وين الفرص المتاحة في السعودية؟

تكلمنا مع أبو عبدالعزيز (وليد البلاع) عن هذا الموضوع وقالنا:

• في البدايات كان يقال السعودية ما تصلح للاستثمار الجريء وحنا نستهلك وما نصدّر، نفس الكلام سمعناه في فكرة الحكومة الالكترونية

• هذي كانت مراية خلفية ولكن الواقع تشوف الكفاءات اليوم اللي يقررون يتركون فرص خرافية موجودة في الحكومة والقطاع الخاص ويطلع يسويها

• لما السوق العالمي كله انخفض العام الماضي، السعودية ارتفعت 40% في الضخ من 1$ مليار إلى 1.4$ مليار تقريبا في السعودية فأنا أعتقد لا زلنا في البداية

•   مؤشرات مثلًا الضخ اللي قاعد يصير في رأس المال الجريء مقارنة بالأفراد لا زالت الأرقام بعيدة كثيرًا عن التشبع

• السعودية حجمها يكبر، اقتصادنا حسب البنك الدولي ترليون دولار، فمليار و400 لا زالت ما تعطي حقك 

• ولا زالت الرؤية اللي قاعدة تفتحلك فأنا بالنسبة لي حتى لو مرينا مطبات وتصحيحات قدام هذا شيء طبيعي في طريق نمو المنظومة

•  قد شفت الفيلم هذا سابقا في منظومات ثانيه يطلعون محبّطين يقولون: “شفت؟ قلنا لكم”، المفترض يتم تجاهلهم لأنه من السهل جدًا أنك تبدو ذكي إذا انت متشائم لأنه معظم الوقت يطلع صح، لكن أنت تبي تصنع ثروة، فشف المرات اللي هي كنت فيها صح وهذي مرة من عشرة بتغير شكل السوق بالكامل

• أنا متفائل جدًا أن النمو لا زال بيستمر وقطاعات أخرى قاعدة تنفتح شفنا قطاعات الدفاع واللوجستيك والطاقة كيف بدت تنفتح

• نوعية الشركات قاعدة تطلع اليوم مع هيئة الأبحاث والتطوير اللي طلعت الآن موضوع التشجيع للملكية الفكرية اللي قاعد يصير في مراكز الابحاث والجامعات هذا بالنسبة لي الـVC الحقيقي، بأنه عندك الأنبوبة اللي قاعده تطلع أبحاث وقيمة ويطلع منها شيء يغير السوق هذا المنبع اللي انا بالنسبة لي يخليني متحمس أن السعودية بكره تنافس أكثر بكثير على المستوى الدولي

غرقنا صناديق استثمار جريء، ولا لا زلنا محتاجين صناديق؟

• حسب صندوق النقد الدولي فإن الناتج المحلي الإجمالي للاقتصاد السعودي تجاوز سقف الترليون دولار عام ٢٠٢٢م وما زال محافظ على وتيرة نمو صحية وبالتالي فهو قادر على استيعاب منظومة ريادية أكبر بكثير من حجمها اليوم ويدل على ذلك مجموعة من المؤشرات مثل حجم الاستثمارات الجريئة مقابل كلا من الناتج المحلي الإجمالي وعدد السكان والقيمة السوقية لسوق الأسهم وخصوصا مع عوامل فريدة ترفع من سقف النمو مثل متانة البنية التحتية الرقمية والمرونة التشريعية تجاه التنوع الاقتصادي والانفتاح على استقطاب أفضل الكفاءات من حول العالم من خلال الرخص الريادية وبرامج استقطاب المقرات الإقليمية للشركات الريادية الناجحة

• من علامات النضج للمنظومة الريادية وقدرتها على استيعاب المزيد من التمويل دخول أنواع جديدة من الأصول الاستثمارية فيها مثل صناديق الملكية الخاصة والإئتمان الخاص والحصص الثانوية والإقراض الجريء وغيرها ويقابل ذلك كله شهية أكبر من قبل الشركات الكبيرة للاستثمار الاستراتيجي والاستحواذ كما رأينا من شركة الاتصالات السعودية (من خلال تالي) وعلم وعدد متزايد من البنوك بأحجامها المختلفة

---

وفر وقتك وارفع إنتاجيتك!🧠

جسر نظام الموارد البشرية الأول في المملكة، يتكامل مع أنظمة الـ ERP بسهولة وسلاسة ويساعدك في تحسين إدارة عملياتك ويختصر عليك كثير!🖥️

لاستكشاف وتجربة النظام مجانًا (هــنــا) 🆓

---

ستارتب فنانة ماحد يعرفها: أوتوبيا🚗

تخيل تدير ورشة سيارات أو محل قطع غيار أو تملك اسطول سيارات أو شاحنات.. وكل اللي تحتاجه من قطع الغيار يتوفر لك بسهولة! هذا بالضبط اللي سعى له عماد دغريري وأحمد العوفي لما أسسوا أوتوبيا 🚗🔧

طيب وش قصة أوتوبيا؟

• بداية 2021، عماد وأحمد واجهوا صعوبات في الحصول على قطع الغيار وقرروا بعدها حل المشكلة وأسسوا أوتوبيا 🚀

•  المشكلة الأساسية كانت تتعلق بسلاسل الإمداد وعشان تحل مشكلة نقص قطع الغيار، كان لازم تحل مشكلة تقلبات الأسعار ومشاكل التدفق النقدي 💵

• طيب كيف حلت المشاكل؟ وفرت كميات كبيرة من قطع الغيار في مستودعاتها ومن الموردين وصارت تعرضها مباشرة لتجار التجزئة 🚙

• وهذا خلاها تطور حلول تقنية تساعد في المهمة: مثل التسعير الفوري المدعوم ببيانات السوق وأتمتة العمليات اللوجستية 📊

أرقام مهمة عن الشركة:

• جمعت 9.5 مليون ريال في جولة (Seed) عن طريق سدو المالية وواعد فنتشرز وراز القابضة وتيكستارز 💰

• باعت الشركة أكثر من 2.5 مليون قطعة غيار للمنشآت 📈

• تخدم 1,400 منشأة وتربطها بأكثر من 150 مورد في السعودية والخليج 🌐

• عدد موظفين أوتوبيا اليوم تجاوز الـ 40 موظف في جميع أنحاء المملكة 👥

كل التوفيق لأوتوبيا، ومن هنا يمديك تشوف موقعهم وتتعرف عليهم أكثر 👏

---

تـقـويـم الـفـعـالـيـات

---

عندك ستارتب فنانة وتبي الكل يعرف عنها؟ بسيطة عب (هالنموذج) وبيوم من الأيام بتصحى على صوت التنبيهات والكل يقولك ترا شفناك😎🔥

---

خاتمة

اليوم اللي تحول فيه الرواتب لموظفينك: