🇸🇦🇺🇸 ستارتب سعودية تستحوذ على شركة أمريكية
🏦🧑🏻💻بنوكنا أخيرًا اكتشفت الشركات الناشئة
صفر لواحد منصة إعلامية تغطي الشركات الناشئة المحلية 🕵🏻♂️📰
هدفنا؟ تمكينك💪🏼
مو لازم تكون جزء من إستراحة معينة ولا تعرف ناس واصلين💰
تابعنا بس وبتحصل إنك عرفت الكثير من المعلومات القيمة عن عالم الشركات الناشئة في السعودية🧑🏻💻
نشرتنا اللي تقرأها الحين بيكون فيها:
تفاصيل وتحليلات حصرية لأهم الأحداث 🕵️♂️
حركات رهيبة تلهمك 💡
شركات ناشئة جديدة 🇸🇦
تذكير بأهم الإيفنتات + دعوات لفعاليات حصرية📮
في حال ما اشتركت في النشرة وجالس تتصفح بس اشترك من هنا👇🏼
أثبت لي بجملة وحدة إن ماعندك سالفة:
بسوي ستارتب ستوديو
أهم الأخبار: 🗞️
أوتو تغلق جولة استثمارية (Series A) بقيمة 8$ ملايين💰
قادت شركة سنابل للاستثمار، المملوكة لصندوق الاستثمارات العامة بالكامل، جولة استثمارية بقيمة 8$ ملايين لشركة أوتو التي توفر منصة للشحن والخدمات اللوجستية في المنطقة العربية وتركيا وتربط أصحاب المتاجر الإلكترونية مع 250 شركة شحن وتوصيل.
شارك في الجولة سدو المالية وIliad Partners وSoma... تفاصيل أكثر
واعد فنتشرز يستثمر 15$ مليون في Rebllions الكورية الجنوبية💰
تختص الشركة الكورية في تطوير شرائح ومعالجات الذكاء الاصطناعي 🧠🖥️ وجمعت منذ تأسيسها أكثر من 225$ مليون جاء معظمها في جولة استثمارية (Series B) بقيمة 124$ مليون في يناير 2024
يمثل أول استثمار للصندوق واعد فنتشرز فـ ....تفاصيل أكثر
شركة Mamo تحصل على استثمار بقيمة 3.4$ مليون 💰
الشركة تأسست في عام 2019 في الإمارات وتوفر خدمات تحصيل المدفوعات وحلول إدارة النفقات والمصروفات للشركات، وجمعت حتى الآن 13$ مليون منذ تأسيسها 💳
الاستثمار عن طريق صندوق حي دبي للمستقبل و4.. تفاصيل أكثر
نباتاتي تبيع 15% من حصصها لشركة التكامل الوطنية للزراعة 💰
وقعت شركة التكامل الوطنية للزراعة اتفاقية مع منصة نباتاتي المختصة ببيع نباتات الزينة وحلول الإهداء للاستحواذ على 15% من حصصها 🪴🧑🤝🧑
الاستحواذ جاء بعد استحواذ مشاتل البستان علـ.... تفاصيل أكثر
سكوب الأسبوع: ويكـاب 🕵🏻♂️
يمكن سمعت بـ ويكاب (Wakecap) في الأسابيع الأخيرة واستحواذها على شركة أمريكية وشراكتها مع أرامكو، لكن وش هي ويكاب بالضبط؟
باختصار ويكاب هي شركة تساعد على زيادة كفاءة العمل في مشاريع البناء الضخمة من خلال تطوير حلول وأجهزة ذكية تجمع بيانات العمّال وتحللها وتستخدم نتائجها لتحسين الرقابة وكفاءة العمل وتسريع إنجاز المشاريع 🏭
جلسنا مع د. حسن البلوي مؤسس ويكاب وفهيد الروقي مدير Saudi Contech وهي شركة تحت مظلة ويكاب ونبيل النور مؤسس جرافين فنتشرز أحد أول مستثمرين ويكاب، وبنعطيكم أهم النقاط اللي قالوها:
يقول د. حسن عن البدايات:
طلعت من تبوك ورحت لأمريكا بهدف إني أخلص من البكالوريوس للدكتوراة، وأرجع أدرّس في الجامعة 🇺🇸✈️ لكن خلال هالرحلة لقيت أكثر من فرصة لدخول ريادة الأعمال
أهم فرصة لما تعرفت على تحديات قطاع المقاولات، لما بدينا نتكلم مع المقاولين عن استخدام التقنية في الموقع لقيناهم عالميا جربوا سابقًا وفشلت التجارب! فحفزني هالشيء لمحاولة حلها🧑💻
المقاولين يحتاجون حل يتخطى 3 تحديات:
توفير حل تقني سهل، ما يتطلب أنك تشرحه للعمّال👷♂️، لأن كثير منهم فهمه على قدّه
ضعف توفّر كهرباء وإنترنت 🔌⚡️
الحل لازم يشتغل فترة طويلة، على الأقل شهر، لأن جربوا استخدام تقنية تشتغل يومين بعدين العامل ينسى يشحنها!
رحلة البناء:
2016 في عرب نت في دبي رحت أتكلم مع مستثمرين وقتها كلهم يستثمرون في ألعاب موبايل وتوصيل ⛔️ والتحدي أننا شركة تطور هاردوير فرحت أدور على المستثمرين اللي يستثمرون بالهاردوير لقيت عددهم قليل أصلًا، وفي السعودية ما فيه، أما عالميا 4-5
لقيت واحد منهم عنده جلسة في MeetUp اللي تدخل عليهم وتعرض فكرتك ويعطونك نصايحهم مقابل 15$ في السيليكون فالي، هذا الشريك اسمه سايرل، قلت بس! وحجزت أقرب تذكرة 🇺🇸✈️
وقتها كان عندي نموذج أولي - أسلاك طالعة من كل مكان 🪖، على أمل أني أقنعهم لأن عندهم مسرّعة في الصين من أفضل المسرعات اللي تساعدك في تطوير Hardware Startup، فقابلتهم وقبلوني وتحمسوا معي ورحت للصين 🇨🇳
قالوا أمورك تمام بس ما عندك فريق أنت! فهنا كان تحدي جديد! لكن كنت أعرف بعض المهندسين اللي اشتغلوا ساعدوني قبل في بناء النموذج الأولي 2 هولنديين و1 لبناني 👷♂️🧑💻 وجبتهم للصين على حسابي عشان أقنعهم بالفكرة
البرنامج كان 9 شهور لبناء نموذج عمل أولي وخلصوها في 6 أسابيع، فمسألة السرعة أعجبت الفريق لأن التصنيع في الصين ياخذ ساعات بينما في أوروبا وقتها ياخذ أسبوعين! والفريق في ويكاب وقتها كان الأقوى تقنيًا في الدفعة🧑💻
الاختبار والانطلاقة:
بنينا نموذج العمل ورحنا اختبرناه في دبي عشان نشوف التحديات اللي ذكرتها في البداية 🇦🇪 هل فعلا حليناها ولا لأ؟
المقاول اللي أعطاني التحديات من أكبر المقاولين عالميا، المقاول لما شاف الحل وجربناه في الأداء تحمس معنا وصاروا ثاني مستثمر معنا بعد المسرعة في الصين 💰
استلمنا مشروع برج 70 دور (4,000 عامل) مقابل برج خليفة، وصار هو مقرنا الرئيسي
وقتها دخلت معي شريكتي الهندية "إيشيتا سود"، بعد ما تعرفت عليها وأنا أبحث عن مستثمرين في دبي ولقيتها تكمّل النواقص الإدارية عندي (إدارة مالية/تشغيل/تواصل مع مستثمرين)
إقناع العمّال: بتواجدنا في مقر البناء صار التحدي عندنا هو كيف نقنع العامل دايم يلبس الخوذة؟ لقينا أن وحده من أهم مشاكل العمال هي بأن المشرف ما يعترف بكامل وقت عملهم، فأضفنا خاصية سريعة باستخراج تقرير لعدد الساعات لكل عامل، ووافق المقاول يعتمد هالخاصية ويلغي المهمة من المشرف
تحدي الـ "?So what":
أحد مدراء المشاريع، كنت أعرض عليه المنصة كيف يقدر يعرف مكان كل عامل وقال "?So what"، فسمينا تحدينا الجديد، هو تحدي الـ "?So what" بأننا نخلق قيمة أكبر لخدماتنا
شفنا آلية رقابة المواقع لو حصل تأخير، فاللي يحصل هو إخلاء طوارئ بوسط اليوم بشكل مفاجئ، كنا نظنها من ممارسات السلامة، ولكن اكتشفنا أنها هي طريقة مالك المشروع للتحقق من عدد العمالة في المشروع!
هالشيء خلانا نستوعب أننا نقدم خدماتنا للطرف الخطأ، المفترض حلولنا نبيعها على ملّاك المشاريع، وهم بدورهم يجبرون مقاولينهم على استخدامها
لما تكلمنا مع الملّاك حول مشكلة تأخير المقاولين، قالوا التعامل الوحيد هو غرامة بحد أقصى 10%، بينما فعليا خسارة الدخل المتوقع من المشروع تتجاوز هالرقم!
كيف تضيف ويكاب قيمة للمشاريع الضخمة؟
نوزع الخوذ ونقعد أسبوعين بس نراقب 🪖 كم عدد الساعات الفعلية للتواجد في الموقع؟ النسبة بدون مبالغة إذا كانوا كويسين مرة 60%!
أول ما نصدر التقارير ترتفع الساعات من 60% بدون مبالغة لـ 95%، فكان أثر مباشر يشوفه المقاول وينبسط علينا 📈
نبيل النور انعرض عليه المشروع بداية 2018، وكان من أول المستثمرين عن طريق صندوق Graphene Ventures، وكان تعليقه:
سبق استثمرنا في هاردوير لكن في المقاولات أول مرة كانت، اللي جذبنا سهولة الحل، لأن عندنا قناعة بأن أنجح الشركات هي اللي تعطيك حل لمشكلة كبيرة بطريقة بسيطة (بسيطة لدرجة الغالب يشوف الحل وما كان يصدق بأن محد حل المشكلة غير ويكاب)
هالقطاع الضخم انحلت فيه المشاكل المكتبية المرتبطة بالتخطيط وغيرها، لكن في مواقع الإنشاء ما توفرت حلول
نملك اليوم في ويكاب بيانات تمثّل 100+ مليون ساعة عمل، ونشتغل على استغلالها بأمثل شكل لتطوير منتجات جديدة باستغلال التقنيات الجديدة
طيب وش تصير Saudi Contech ؟
شركة تأسست تحت مظلة ويكاب ويقودها فهيد الروقي، أهدافها:
تقديم استشارات لمساعدة المطورين والمشرّعين على فهم أفضل الحلول
مسرّعة أعمال للمشاريع في القطاع
بناء مجتمع يساعد على أن السعودية تكون موطن لتطوير التقنيات في المجال
معلومات وأرقام مهمة:
الشركة تتواجد في السعودية والإمارات والولايات المتحدة 🇦🇪🇺🇸🇸🇦
80% من مشاريع الشركة في السعودية 🇸🇦 و20% في الإمارات 🇦🇪، والسوق الأمريكي تم دخوله مؤخرًا
عدد الموظفين حوالي 130 موظف في الفريق؛ منهم 30 مهندسين ومطورين للمنتج 5% إداريين
أنهت الشركة 4 جولات استثمارية أولها في عام 2018، والأخيرة في 2022 💰
الجولات الاستثمارية بمعدل سنة ونصف لكل جولة وكل جولة كان لها هدف🥅
أول جولة 100 ألف دولار مقابل 3% 💰
أول تقييم كان 3 ملايين، وتتجهز الشركة لجولة جديدة لكن لا يوجد تقييم محدد
وصلت الشركة للربحية 💵
توقع بتتجاوز الإيرادات 50 مليون ريال 📈
المقابلة الكاملة مع فريق ويكاب بتلقونها قريبًا في موقعنا!🔥
فكرة مثيرة للجدل: العميل الخطأ أسوأ من عدم وجود عميل 🤔
نقدر نتفق إن أكبر مؤشر على نمو الشركة هو زيادة عملائك، بس هل يعقل إن فيه شركات ترفض العملاء اللي مايناسبونها❓
نعم, وأشهر مثال سوبرماركت كوسكو Costco اللي بدأ بنموذج عمل غريب: لازم تشترك بعضوية قبل مايصير مسموح لك تدخل وتتسوق, ولا مو بس كذا, يتحققون من هويّة كل عميل عند الدخول 🪪
المقابل؟ العملاء يحصلون على المنتجات بالجملة وبأرخص الأسعار وبأعلى الجودة ✅
فكرته مسببة ضجة لبعض الناس اللي ماتبي ترتبط باشتراك، ومنعت كثير من تجربته بسبب هذا العائق 🚫
وبعضهم سألوا: ليش مايشيلون الاشتراك عشان يحصلون على عدد عملاء أكبر، حتى لو اضطروا يرفعون الأسعار بنسبة بسيطة؟ 💡
سببين:
الإشتراكات تشكل 70% من أرباح كوسكو, فوجودها مهم لنموذج العمل 💸
منع السرقات اللي تحصل بشكل كبير في أمريكا 🇺🇸
وفعلًا رفضهم لبعض العملاء اللي ممكن يزيدون من أرباحهم على المدى القريب، خلاهم يكونون من أقل المحلات عرضة للسرقات، وبالتالي وفّروا على نفسهم أموال كبيرة على المدى البعيد 🥷
في المقابل، سوبر ماركت وول مارت الأمريكي خسر 400 مليون دولار في سنة 2022 بسبب السرقات، ونسبة الخسارة جالسة تزيد 50% سنة عن سنة، ويتوقعون إقفال بعد الفروع بسببها 📉💸
لقاءات صفر لواحد: محمد القفاري 🎤
محمد القفاري و زملائه أخذوا مرن من فكرة في كراج سيارات إلى شركة صارت جاهز والشركات الآخرى يتنافسون على الاستحواذ عليها 🤺
للحضور سجلوا من هنا ✍🏼
المكان: الرياض
الوقت: 7-9 مساءً
تقرير: البنوك السعودية والاستثمار الجريء🏦
مؤخرًا, نشطت البنوك السعودية في الاستثمار في الشركات الناشئة, ولذلك سوينا تقرير مبسط يشرح الشركات اللي استثمرت فيها البنوك و وش اللي متوقع يصير في المستقبل 💸
إذا أنت رائد أعمال أو مستثمر لا يفوتك التقرير من هنا 📘
ستارتب فنانة ماحد يعرفها: تمـوّل💵
مسألة الحصول على تمويل شخصي لشراء سيارة مثلًا مرهقة غالبًا، لكن عشان تتسهّل فأكيد التقنية لازم تلعب دور... وهذا اللي تسعى له المنصات مثل تموّل
تموّل هي منصة وساطة تمويلية تأسست 2020 عن طريق محمد الهاضل وعبدالله آل شيخ عشان تساعد المستخدمين يحصلون تمويل لأغراض مختلفة والحصول على موافقة جميع البنوك وشركات التمويل لهذا الغرض بدون الغوص في كثرة الإجراءات 💵🪙
قصة وحلول تموّل
كيف جت الفكرة؟ محمد كان يبحث عن سيارة لكن تفاجئ بالسعر وما كان عنده سيولة كافية فتوقع إنجاز طلب التمويل بسرعة، لكن تفاجئ أنه الطلب قعد 4 شهور عشان يعرف البنك كم بيعطيه وكم بيسدد 😮💨
وش صار بعدها؟ قرر محمد استخدام خبرته البرمجية لإنشاء تطبيق سريع لتجربة الطلب على الخدمة وبلغ عبدالله لخبرته في المجال المالي والاستثماري، وكانت المفاجأة أن التطبيق حصل على أكثر من 3 آلاف تفاعل بين تنزيلات وطلب خدمة 📈
طيب كيف آلية العمل؟ ببساطة يقدر المستخدم يفتح حساب بالتطبيق ويحصل على موافقة سريعة بشكل مؤتمت، بعدها يقدر يقدم طلبه للتمويل وراح يتواصلون معه بسرعة 🤝
أهم أرقام الشركة:
- تأسست برأس مال 2 مليون ريال 💵
- أغلقت جولة استثمارية (Pre-Seed) قيمتها 4 ملايين عن طريق صندوق MRK وبمشاركة صندوق 500 Global وعدد من المستثمرين الملائكيين في السعودية 💰
كل التوفيق لتموّل، ويمديك تشوف موقعهم هنا وتتعرف عليهم أكثر 👏
عندك ستارتب فنانة وتبي الكل يعرف عنها؟ ✅
بسيطة, عبي هذا النموذج وفي يوم من الأيام بتصحى على صوت التنبيهات والكل يقولك ترا شفناك 😎🔥
خاتمة
